Ūlybritaniiadaǧy Cornwall Wildlife Trust qaiyrymdylyq ūiymy Kornuoll graftyǧyndaǧy Lu aralynyŋ basqaruşysy qyzmetıne ümıtkerler qabyldap jatyr, dep habarlaidy "Adyrna".
Būl turaly şeteldık BAQ betterınde jariialandy.
Mamandar qoryq aumaǧyndaǧy tabiǧatty qorǧauǧa, qyzmetkerler men erıktılerdıŋ jūmysyn üilestıruge jäne keluşılerdı qabyldaudy ūiymdastyruǧa jauapty bolady.
Ūiym būl qyzmetke bır adammen qatar, mındetterdı özara bölısıp atqaratyn ekı ümıtkerdı de qabyldauǧa daiyn. Mäselen, erlı-zaiyptylar nemese dostar bırge ötınış bere alady. Mūndai jaǧdaida jūmys uaqyty, mındetterı men jalaqysy jeke kelısım boiynşa belgılenedı.
Aral basqaruşysynyŋ jyldyq jalaqysy 32 569–39 923 funt sterling aralyǧynda. Būl şamamen 19,6–24 million teŋgege teŋ. Qyzmetkerge araldan baspana berıledı. Onda jūbaiymen nemese bırge tūratyn serıgımen tūruǧa mümkındık bar.
Sonymen qatar jūmys beruşı ikemdı jūmys kestesın, jylyna 25–30 kün aqyly demalysty, psihologiialyq qoldau baǧdarlamasyn jäne zeinetaqy josparyn ūsynady.
Sūhbattyŋ alǧaşqy kezeŋı 30 qaraşa bastalatyn aptada ötedı dep josparlanǧan. Al aral aumaǧyndaǧy kelesı kezeŋ jeltoqsan aiynyŋ basynda ūiymdastyrylady. Degenmen merzımder özgeruı mümkın. Ūiym laiyqty ümıtker tapqan jaǧdaida vakansiiany merzımınen būryn jabuǧa qūqyly.
