Maŋǧystau oblysynyŋ äkımdıgı malǧa qajettı qūdyq qazuǧa qosymşa subsidiia bölu mümkındıgın qarastyruda

Maŋǧystau oblysynyŋ äkımı Nūrlan Noǧaevtyŋ töraǧalyǧymen öŋırdegı auyl şaruaşylyǧy salasyndaǧy özektı mäseleler talqylanǧan  jiyn öttı, dep habarlaidy "Adyrna" ūlttyq portaly Maŋǧystau oblysy äkımınıŋ baspasöz qyzmetıne sılteme jasap. Jiynǧa auyl şaruaşylyǧy salasynyŋ mamandary, ardagerlerı, şarua qojalyqtarynyŋ ielerı men jergılıktı atqaruşy organdardyŋ ökılderı qatysty. Tört saǧatqa sozylǧan basqosuda mal ielerı men memlekettık organ ökılderı syndarly sūhbat qūryp, pıkır almasty. Kezdesude jem-şöp daiyndau, mal jaiylymyna jer beru, qūdyq qazu syndy bırqatar mäseleler qaraldy. Aimaq basşysy belsendılık tanytqan azamattarǧa alǧysyn aityp, jauapty tūlǧalarǧa auyl şaruaşylyǧy salasyn jaqsartuǧa arnalǧan är azamattyŋ ūsynysyn zerdeleudı tapsyrdy. Jiynda sondai-aq qazırgı taŋda Maŋǧystau oblysynyŋ äkımdıgı mal suaruǧa qajettı qūdyq qazuǧa arnalǧan subsidiianyŋ kölemın ūlǧaitu mümkındıkterın qarastyryp jatqany aityldy.

-Tört tülık üşın sudyŋ asa maŋyzdy tırşılık közı ekenın barlyǧymyz bılemız. Memleket basşysy Maŋǧystau oblysyna kelgen saparynda Ükımetke qūdyq qazuǧa berıletın subsidiia kölemın 50-den 80 prosentke deiın arttyrudy tapsyrdy. Būdan bölek, qazır bız qūdyq qazuǧa jūmsalatyn şyǧyndardyŋ taǧy 10% jergılıktı biudjetten subsidiialaudy qarastyryp jatyrmyz. Nätijesınde subsidiiany 90% - ǧa deiın ūlǧaitqymyz keledı. Mäsele mūqiiat zerdelenıp, oŋ şeşımın tapsa, oblystyq mäslihatqa ūsynatyn bolamyz, - dedı öŋır basşysy.

-Biylǧy quaŋşylyq oblystaǧy barlyq mal iesınıŋ basyna tüsken ortaq qiynşylyq, ortaq synaq boldy. Bız būl tyǧyryqtan bırlesken jüielı jūmystyŋ arqasynda ǧana şyǧa alamyz. Sala ardagerlerınıŋ täjıribelerı men keŋesterı öte maŋyzdy, ony mındettı türde paidalanamyz. Sondai-aq mal şaruaşylyǧymen ainalysqysy keletın är şarua öz mümkındıgın eskergenı dūrys. Tabiǧi jäne klimattyq jaǧdailar bar, jem-şöp bazasy bolu kerek, maldy baǧu qajet degendei. Memlekettık organdar zaŋ şeŋberınde barynşa kömektesedı, bıraq ärbır azamattyŋ maly üşın jauap bermeidı. Auyl şaruaşylyǧyn nätijelı jürgızu üşın jüielı jūmys ısteu kerek,- dedı oblys äkımı.

Söz soŋynda, Nūrlan Noǧaev sondai-aq jinalǧandardy auyl şaruaşylyǧyn damytu men mal baǧuda tiımdı täsılderdı qoldanuǧa şaqyrdy.

"Adyrna" ūlttyq portaly