Ózbekstanda jas jigit jasy kelgen ákesine qaljyńdap, selt etkizbek bolyp, óltirip aldy, dep habarlaıdy "Adyrna" ulttyq portaly Express Qazaqstan-ǵa silteme jasap.
Beınejazbada egde kisi esikten shyǵyp, qonaq kútýge arnalǵan aýlada ústelderdiń arasymen ketip barady. Balasy ústelderdiń biriniń astyna jasyryp otyrady. Ákesi mańynan óte bergen kezde jamylyp alǵan matasyn jelbiretip, arýaq sekildi birden atyp shyqqan. Ákesiniń selt etkenin ol Tik tok-qa júktemek bolypty.
Oǵashtaý ázil ákesiniń ólimine túrtki boldy. Shoshyp ketken ákesi birneshe sekýndtan soń júrek tusyn ustap, jerge búktelip qulap túsken. Balasy ornynan turǵyzbaq bolyp, ákesiniń janyna júgirip barady.
Aıta keteıik, bul jaıt Ózbekstan turǵyndarynyń jaǵasyn ustatyp otyr. Osy beınejazbanyń astyna jurt "aqymaq" degen bir ǵana sóz jazyp jatyr.
"Adyrna" ulttyq portaly
