QR Bilim mınıstri Pavlodar oblysynda jańa mekteptiń ashylý saltanatyna qatysty, dep habarlaıdy “Adyrna” tilshisi oblys ákimdiginiń baspasóz qyzmetine silteme jasap.
Baıanaýyl aýdany, Qarajar aýylynda jańa mektep paıdalanýǵa berildi.
Bilim ordasynyń ashylý saltanatyna Qazaqstan Respýblıkasynyń Bilim mınıstri Ǵanı Beısembaev, Pavlodar oblysynyń ákimi Asaın Baıhanov, aýyl turǵyndary men oqýshylar qatysty.
Bilim mınıstri Ǵanı Beısembaev memleket tarapynan muǵalimderdiń mártebesin kóterý, ınfraqurylymdy damytý, jaıly jáne qaýipsiz mektepter boıynsha barlyq mindettemeler oryndalyp jatqanyn atap ótti.
“Tek 1 qazanǵa deıin respýblıka boıynsha 78 myń 500 oryndyq 77 jańa mektep ashyldy. Bul kórsetkishti 132 myń jańa oqý orynǵa deıin jetkizýdi josparlap otyrmyz, bul 12 apatty jáne 29 úsh aýysymdyq mekteptiń máselelerin, sondaı-aq 113 eldi mekendegi oqýshylar ornynyń tapshylyǵyn sheshedi. «Jaıly mektep» ulttyq jobasy aıasynda aldaǵy úsh jylda 740 myń oryndyq 369 mekteptiń qurylysyn bastaý josparlanýda. Bul máseleni sheshýde bıznes ókilderi de qalys qalmaǵany qýantady», - dedi elimizdiń bas ustazy Beısembaev.
Ashylý saltanaty ótken bul ǵımarat 1958 jyly salynǵan tozyǵy jetken toǵyz jyldyq mekteptiń ornyna salynǵan eken.
Ol 100 orynǵa eseptelgen mekteptiń quny 650 mıllıon teńge.
Eki qabatty ǵımaratta ashana, konferen-zal, IT synyby syndy 11 oqý kabıneti bar.
Búginde Qarajar orta mektebinde qazir 72 bala bilim alýda.
