Alakóldiń polıeıleri jedel izdestirý sharalary barysynda mal urlaıtyn qylmyskerdi áshkereledi. Bul týraly "Jetisý" gazeti málimdedi.
Alakól aýdanynyń polıııasyna Aqshı aýylynyń turǵyny jaıylymnan eki bas iri qara malynyń qoldy bolǵanyn habarlaǵan. Oqıǵa ornyna jetken tártip saqshylary mal urlyǵyn ashýǵa baǵyttalǵan sharalardy qabyldady.
- Aýdan turǵynyń aryzy negizinde jedel izdestirý sharalaryn júrgizdik. Jan-jaqty tekserý barysynda 37 jastaǵy aýdan turǵyny qylmysqa qatysy bar degen kúdikke ilindi. Bultartpas aıǵaqtar negizinde ustalǵan azamat qylmys jasaǵanyn moıyndady. Urlanǵan mal zańdy ıesine qaıtaryldy. Atalǵan derek boıynsha QR Qylmystyq kodeksiniń 188-1 babyna sáıkes, sotqa deıingi tergeý amaldary júrgizilip jatyr, - dedi Alakól aýdany polıııa bóliminiń bastyǵy, polıııa podpolkovnıgi Qýat Ospanov.
Tártip saqshylary urynyń aýdandaǵy basqa da qylmystarǵa qatysy baryn tekseretin bolady. Qylmystyq is boıynsha materıaldar jaqyn arada sotqa joldanyp, jeńil oljaǵa ıe bolǵysy kelgen azamat zań aldynda jaýap beredi.
