Megapolıste aýyz sý máselesi álide ózekti. Qazirgi tańda qalada 81 eldi mekenniń 5-i kestemen, 7-eýi sýdy tasyp ishedi. Qalǵan 69 eldi meken sapaly aýyz sýmen tolyq qamtylǵan. Atalmysh kórsetkishti 100 paıyzǵa jetkizý úshin aýqymdy sharýalar atqarylýda. Bul týraly Shymkent qalalyq Energetıka jáne ınfraqurylymdy damytý basqarmasynyń basshysy Boranbaı Bolatbekov baspasóz brıfınginde baıandady.
Bıyl atalǵan eldi mekenderdi aýyz sýmen qamtamasyz etý maqsatynda 14 nysannyń qurylys jumystary júrgizilýde. Osy jyly 3 magıstraldy sýaqqy, tasymaldy 7 eldi meken jáne kestemen 2 eldi mekenniń qurylysy aıaqtalyp, 25,6 myń adam aýyz sýmen qamtylady. Nátıjesinde, qamtylý kórsetkishi 95,6%-dan 98 paıyzǵa ósedi, – dedi basqarma basshysy.
Boranbaı Bolatbekov -Shymkent qalalyq Energetıka jáne ınfraqurylymdy damytý basqarmasynyń basshysy
Tasymaldy 7 eldi mekendi biz tolyq bitiremiz bıyl. Kestemen ishetin 5 eldi mekenniń bireýi qaınarbulaq jobalyq smeta jasap jatyrmyz.
Qarataý aýdany boıynsha 3 magıstraldy sýaqqynyń jáne 3 shaǵyn aýdanda Turan, Asar-2, Nurtas, Ál-Farabı aýdany boıynsha 2 shaǵyn aýdanda Sáýle, Aqtas, Abaı aýdany boıynsha 6 shaǵyn aýdanda Yntymaq-2, Batys-Jańaturlan, Jańatalap, Soltústik saıajaı, Qursaı 1, Qursaı 2 ishki aýyz sý júıesiniń qurylys jumystary júrgizilýde.
Boranbaı Bolatbekov - Shymkent qalalyq Energetıka jáne ınfraqurylymdy damytý basqarmasynyń basshysy
25 shaqyrym uzyndyǵy men tartyp kele jatyrmyz. Jyldyń aıaǵyna deıin 3 magıstraldy sý qubyryn tartyp alyp kelemiz. Sýdyń davlenııasy kóteriledi.
Aıta keteıik, osy jyly Qarataý men Ál-Farabı aýdandarynda qurylys jumystary aıaqtalyp, paıdalanýǵa beriledi. Al jyl qorytyndysymen Abaı aýdanyndaǵy 5 shaǵyn aýdanda qurylys jumystary aıaqtalyp paıdalanýǵa berilse, Qursaı 1 etap, Qursaı 2 –de qurylys jumystary kelesi jylǵa ótpeli bolmaq.
K. Dúısenbi
