Almatyda úsh kún boıy «Tengrıada» qoıylymynyń tusaýkeseri bolyp ótti. Halyqaralyq "Tengrıada" spektakl-jobasy Qazaqstan men Koreıa Respýblıkasy arasyndaǵy dıplomatııalyq qatynastardyń 30 jyldyǵyna jáne mádenı almasý jylynyń aıaqtalýy aıasyndaǵy júzege asty. Spektakl halyqaralyq joba bolǵandyqtan qoıylymda Koreıa Respýblıkasynyń akterlary, Respýblıkalyq koreı teatrynyń ártisteri óner kórsetti.
"Tengrıada" spektakli Qazaqstan men Koreıa halqynyń mádenı qundylyqtaryn biriktirip, eki eldiń birlesken rýhanı jáne mádenı dástúrleriniń damýyna yqpal etti. Týyndy Koreıanyń negizin qalaǵan tulǵa Tangýnnyń zamanyn, sol kezdegi ómir men mıstıkalyq jaǵdaılardy beıneledi.
Poetıkalyq sıpattaǵy bul qoıylymnyń tarıhy tym tereńnen tamyr tartady. Óıtkeni qazaq halqynda «Táńiri» degen uǵym bolsa, Koreılerde bul «Tangýn» dep atalady. Iaǵnı koreı men qazaq dúnıetanymynda ózara baılanysty dúnıeler barshylyq. Jalpy Shyǵys halyqtarynyń rýhanı, dúnıetanymdyq baılanystary, tarıhı tamyry bir ekeni belgili. Qoıylym osy aýqymdy salany qamtyǵan. Jalpy adamzatqa ortaq izgilik, adamgershilik adal, shynaıy mahabbat spektakldiń negizgi túıini boldy deıdi,- Koreıalyq akter Kım Doń Ioń
"Tengrıada " spektaklinde rýhtar men baqsylardyń bıleri, taıpalardyń shaıqastary, jekpe-jek kórinisteri kórermen nazaryna usynyldy. Sonaý erte kezdegi Kók Táńiri zamanyn ózek etken qoıylym ańyz jelisi boıynsha daıyndaldy. Qoıylym kórermenderge erekshe áser qaldyryp, óner súıer jandardyń júrekterinen oryn aldy.
«Adyrna» ulttyq portaly
