Indıra Tursynbaı «Balapan» telearnasynyń dırektory bolyp taǵaıyndaldy

3680
Adyrna.kz Telegram

Jýrnalıst, prodıýser Indıra Tursynbaı «Qazaqstan» teleradıokorporaııasyna qarasty «Balapan» telearnasynyń dırektory qyzmetine taǵaıyndaldy. Bul týraly Qazaqstan ulttyq telearnasy habarlady, dep jazady "Adyrna" ulttyq portaly. 

«Qazir «Balapan» telearnasynyń aldynda turǵan negizgi mindet - balalar kontentin óndirýshiler arasyndaǵy básekelestikte alda bolý, anımaııa óndirisin keńeıtý. Ol úshin eń aldymen ónimder sapasyn budan ári arttyrý maqsaty tur. Búginde balalar kontentin óndiretin túrli otandyq jáne álemdik jańa platformalar paıda boldy, básekelestik myqty bolǵandyqtan, teleóndiriste kreatıvti ıdeıalardy iske asyrý mańyzdy. Bul baǵytta naryqtaǵy jańashyl maman retinde Indıra Tursynbaıdyń tájirıbesi balalar arnasy úshin paıdaly bolady dep senemiz», - dedi Korporaııanyń Basqarma tóraıymy Lázzat Tanysbaı.

Balapan telearnasynyń burynǵy basshysy Maqpal Jumabaı Indıra Tursynbaıǵa sáttilik tiledi. 

"Balapan árqashan júregimde. Quddy bir balam sekildi. Balapan-syz ómir súrýdi úırenýdiń ózi ońaı bolmaǵany ras. Bul uıaǵa bir ret kirseń, janyńnyń jartysy osynda qalady. Telearnanyń jańa basshysy Indıra Tursynbaıǵa tek sáttilik tileımin! Senim artamyz, jańalyqtar kútemiz!", - dep jazdy Maqpal Jumabaı. 

Esterińizge sala keteıik, Indıra Tursynbaı 2003 jyldan beri «Qazaqstan», «Astana», «Evrazııa», «Almaty» telearnalarynda júrgizýshi, jýrnalıst, jańalyqtar tilshisi bolyp eńbek etken. Sońǵy jyldary jeke prodakshn kompanııalarda basshylyq qyzmetter atqardy.

"Adyrna" ulttyq portaly 

Pikirler