1.Siz óte myqty jáne eńbekqor adamsyz. Tańerteńnen keshke deıin bir orynda tapjylmaı, qıyn ári kúrdeli jobamen aınalysa alasyz. Boıyńyzda táýekelshildik tunyp tur. Qandaı sheshim shyǵarsańyz da, tek jaqsylyǵyn kórýge tyrysasyz. Bir kórgen kisi sizdi eńbeksúıgish dep baǵalaıdy, olar qatelespeıdi de. Biraq siz jumysyńyzǵa degen sheksiz mahabbatyńyz arqyly ózge eńbekqor jandardan erekshelenip turasyz. Oıǵa alǵan isińizdi sońyna deıin jetkizbeı tynbaısyz.
2.
Siz sabyrly ári janashyr jansyz. Bir kúnińizdi tolyǵymen járdemińizge muqtaj adamǵa arnaı alasyz. Janyńyz qaıyrymdylyq pen meıirimdilikke baı. Siz úshin naǵyz adam – ózgelerge qol ushyn soza alǵan jan. «Adam alasy ishinde» degen tirkes sizge saı emes ekenin bir kórip bilýge bolady. Sebebi usqynyńyz qandaı jaıdary bolsa, janyńyz da sondaı jomart. Eshqashan sabyrǵa kele almaıtyn jandy da tynyshtandyrý sizdiń ǵana qolyńyzdan keledi.
3.
Siz qýatyńyz mol jáne qataryńyzdan ozyq jansyz. Kúni boıy jańa da tyń jobalar men ıdeıalardy damytý úshin qozǵalmaı otyra alasyz. Árdaıym jańa nárselerdi oılap tabýdy jaqsy kóresiz. Jumysta da, basqa kezde de kez kelgen isti baıqap kórgińiz keledi. Alǵash kórgen kózge ish pystyrarlyq adam bop tanylasyz. Solaı bolýy da múmkin, biraq ıdeıalaryńyz eshqashan eshkimdi jalyqtyrǵan emes. Zattardyń qupııasyn ashý úshin uzaq áýrelenip, tájirıbe jasaǵandy janyńyz súıedi.
4.
Siz talǵampazsyz jáne óte jaqsy tárbıe kórgensiz. Kúni boıy qonaqtyń kóńilin aýlap, qyzyqty ázildermen júzine kúlki syılap otyra alasyz. Álemdegi eń jaqsy adam ekenińizdi kórsetkińiz keledi. Barlyǵy sizdi birtýar tulǵa retinde qabyldaǵanyn qalaısyz. Alǵash kórgen jan sizdi kórseqyzar, keıde eptegen tákappar dep oılaıdy. Moıyndańyz, mundaı oı týýyna ózińizdiń úlesińiz bar. Kez kelgen nárseniń sapalysyn tańdaısyz, eń jaqsysyn ǵana alǵyńyz keledi.
5.
Siz barlyǵyn bilýge qumarsyz, talabyńyz taýdaı. Ómirge suraǵyńyz kóp, barlyǵynyń jaýabyn tabýǵa umtylasyz. Bireý sizge ómir jolyn aıtyp beremin dese, basqaǵa bas burmaı otyryp, táýlik boıy tyńdaýǵa ázirsiz. Birinshi kórgen kisige sabyrly da salmaqty, qarapaıym jan eken degen oı qaldyrasyz. Biraq, shyn mánisinde óte belsendi adamsyz. Barlyǵyn sanada saraptap, mıda qorytasyz. Adamdardyń bir-birimen ózara qarym-qatynasyn meńgerýge qushtarsyz.
6.
Siz tapqyr, jigerli jansyz. Bir kún boıy poıyz ne ushaq terezesine telmirip, álemge kóz tigip otyrýdan bas tartpaısyz. Jańalyq izdep sharq urýda jankeshtilik kórsetesiz. Buryn sońdy kórmegen jer, jańa tanystar, tańsyq nárseler sizdi shabyttandyrady. Beıtanysqa beımaza jan bop tanylasyz. Shynynda da, ómirińizde sál tynyshtyq ornaýy úshin, ózińizdi qolǵa alyńyz. Ǵumyryńyzdy saıahatqa arnaǵyńyz keledi. Saparǵa shyqpaǵan kezińizde, únemi alys sheteldi elestetip, qııal qushaǵynda júresiz.
7.
Siz shyǵarmashylyq adamysyz ári armanshylsyz. 24 saǵat boıy oı ústinde otyra alasyz. Qııalyńyz ushqyr, oıyńyz árdaıym álemdi sharlap júredi. Sapar sońynda qadamyńyz bastalǵan jerden tabylmaısyz. Bir kórgen jan kóp qyrly ekenińizdi baıqaıdy. Aınalańyzdaǵy álemdi qanshalyqty umytyp ketetin bolsańyz, oıyńyzdan da sonshalyqty adasasyz. Sanańyzda árqashan adam oıyna kelmegen jaqsy nárseler ómir súredi, tek sony jazyp ne este saqtap alatyn zeıin jetispeıdi.
8.
Qajyrly ári birtýar jansyz. Kúni-túni qıyn da kúrdeli kitapty oqyp, qozǵalmaı otyra alasyz. Ideıalar áleminde adasyp ketýge de bel býasyz. Biraq olar jumbaǵy men tylsymy kóp bolǵan saıyn, sizdi qyzyqtyra túsedi. Bir kórgen jan sizdi álemde ne bolyp jatqany múldem qyzyqtyrmaıdy dep oılaıdy. Is júzinde, óte áýesqoı kisisiz. Ózińizdi qyzyqtyrǵan nárse jóninde professorlardan da ozyp, tolyǵymen túsinbeıinshe oqı beresiz.
