1 mln 650 myń qazaqstandyqtyń jalaqysy ósedi

3247
Adyrna.kz Telegram

QR Eńbek jáne halyqty áleýmettik qorǵaý mınıstri Serik Shápkenov Úkimet otyrysynda Memleket basshysy Qasym-Jomart Toqaevtyń 2021 jylǵy 1 qyrkúıektegi «Halyq birligi jáne júıeli reformalar-el órkendeýiniń berik negizi» atty Qazaqstan halqyna Joldaýynda aıtylǵan áleýmettik – eńbek salasy boıynsha tapsyrmalardyń qalaı oryndalatyny týraly aıtyp berdi, dep habarlaıdy «Adyrna» tilshisi mınıstrliktiń baspasóz qyzmetine silteme jasap.

«Memleket basshysy jarııalaǵan bastamalarǵa sáıkes eńbekaqy tóleýdi arttyrý boıynsha sharalar qabyldanatyn bolady. Birinshi, 2022 jylǵy 1 qańtardan bastap ETJ mólsheri 60 myń teńgeni quraıdy. Bul shara 1 mln 650 myń jaldamaly qyzmetkerdiń aqshalaı tabystarynyń ósýine alyp keledi. Bul sondaı-aq razrıadaralyq biliktilik júıesin eskere otyryp, basqa da qyzmetkerlerdiń kiristerin arttyrýǵa múmkindik beredi. Ekinshiden, 4 jyl ishinde azamattyq qyzmetshilerdiń jekelegen 588 myń sanatynyń (muraǵatshylar, kitaphanashylar, mýzeıtanýshylar, ormanshylar, tehnıkalyq personal jáne t.b.) jalaqysyn kezeń-kezeńimen arttyrý úshin Úkimet qaýlysynyń jobasy ázirlenedi. Nátıjesinde, 2022 jyldan bastap olardyń jalaqysy jyl saıyn 20% - ǵa artyp, 2025 jylǵa qaraı eki esege artady. Eń tómengi jalaqy 49 myńnan 60 myń teńgege deıin nemese 22% - ǵa ósedi»,— dedi Serik Shápkenov.

«Adyrna» ulttyq portaly

Pikirler