Senat depýtattary birneshe mańyzdy jańa normalardy qamtıtyn zań jobasyn qarastyryp, maquldady dep habarlaıdy «Adyrna» ulttyq portaly Bilim jáne ǵylym mınıstri Ashat Aımaǵambetovtiń jazbasyna silteme jasap.
«Ol qujatta, meniń oıymsha, sala mamandary úshin asa mańyzdy bolyp tabylatyn eki erekshe norma bar.
Solarǵa toqtalyp óteıin. Endi memlekettik bilim berý uıymdaryna pedagogterdi konkýrs arqyly qabyldaý engiziledi. Iaǵnı muǵalimdi jumysqa qabyldaýǵa qatysty sheshim tek dırektorlarǵa táýeldi bolmaıdy.
Qazirgi tańda pedagogterdi jumysqa qabyldaý boıynsha qoldanystaǵy júıe ashyqtyq qaǵıdattaryna tolyǵymen saı dep aıtýǵa kelmeıdi, sáıkesinshe sybaılas jemqorlyq kórinisterine jol berilýi múmkin.
Máselen, keıbir óńirlerde bir pán boıynsha bir stavkany tórt muǵalimge bólip beredi. Bul óz kezeginde bilim berý sapasyna keri áser etedi.
Sondyqtan mundaı faktilerdiń aldyn alý úshin pedagogterdi jumysqa konkýrs arqyly iriktep, barlyǵyna túsinikti ári ortaq ereje boıynsha qabyldaý kózdeldi.
Erejede konkýrstyq irikteýdiń naqty qaǵıdalary bekitiledi. Bul jumys ıfrlyq tehnologııalardyń kómegimen avtomattandyrylady.
Sáıkesinshe pedagogti jumysqa qabyldaý týraly sheshimdi bir ǵana adam emes, kópshilik qabyldaıtyn bolady. Pedagogterdiń kásibıligine jáne barlyq talapqa saı bolýyna den qoıylady» dep jazdy mınıstr óz paraqshasynda.
Foto ashyq derekkózden alyndy.
