Auyl - qazaqtyŋ jany, bolmysynyŋ qainary, qasietınıŋ bütını. 26 qaraşada ötken ūlyqtau räsımı kezınde Qasym-Jomart Toqaev auyldy damytu mäselesı turaly Jarlyqqa qol qoiatynyn, soǧan säikes Ükımetke auyldy damytudyŋ 5 jylǧa arnalǧan naqty josparyn äzırleudı tapsyratynyn habarlady. Būl jaily "Adyrna" ūlttyq portaly jazdy.
"Qazır – sailaudaǧy jeŋıstı toilaityn kez emes, aianbai eŋbek etetın kez. Sol sebeptı, arqany keŋge salmai, bırden ıske kırısuımız kerek, bosaŋsuǧa bolmaidy. Osy oraida, eŋ aldymen qolǧa alatyn bırneşe mäselege arnaiy toqtalǧym keledı. Men sailaualdy sözderımde auyldy örkendetu ısıne basa nazar audardym. Bügınde Qazaqstan halqynyŋ 40 paiyzǧa juyǧy auylda tūrady. "Auyl – el besıgı" dep halqymyz beker aitqan joq. Sondyqtan, auyldaǧy jaǧdaidy jaqsarta almasaq – bärımızge syn. Sol üşın men bügın auyldy damytu mäselesı turaly Jarlyqqa qol qoiamyn", - dedı Prezident.Prezident osy qūjatty negızge ala otyryp, Ükımetke auyldy damytudyŋ 5 jylǧa arnalǧan naqty josparyn äzırleudı tapsyratynyn jetkızdı.
"Būl menıŋ jaŋa prezidenttık merzımdegı bırınşı Jarlyǧym bolady. Ükımet auyldy damytuǧa arnalǧan barlyq jobany jüielı türde rettep, jinaqtauǧa tiıs. Sodan keiın maqsatty türde tiımdı jūmys jürgızemız", - dedı Qasym-Jomart Toqaev.
"Adyrna" ūlttyq portaly
Ūqsas jaŋalyqtar
ekonomika
#Toqaev
auyl
#Qasym-Jomart
qazaqstan ekonomikasy
qazaqstan auyldary
Ūlyqtau räsımı
auyl ömırı
auyl äleuetı
