Ótken sársenbide Dıýsseldorf soty Nord Stream AG-nyń apellıaııalyq talap-aryzyn qabyldamaı tastady. GFR toraptyq agenttigi Eýroodaqtyń úshinshi energopaketiniń normalaryna sáıkes bolmasa da gaz qubyryn iske qosqysy keldi. Ol normaǵa sáıkes jetkizýshi kompanııa (Gazprom) sonymen bir mezette qubyrdyń da ıesi bolmaýy qajet.
Sonda is júzinde bylaı bolyp shyǵady - Gazprom jylyna 55 mlrd kýb metr gaz jetkizý kerek bolsa, endi sonyń jartysyn, ıaǵnı 27,5 mlrd qana jetkize alady, qalǵan bóligin ol basqa jetkizýshilerge berýge tıisti. Biraq bul talapty Gazprom oryndaı almaıdy, óıtkeni kenoryndary Gazpromǵa qarasty, tek "SA-2"-ge ǵana qosylǵan. Basqa birde-bir reseılik kompanııa qubyrlyq gazdy eksporttaı almaıdy. Iaǵnı, SA-2 jartylaı bos kúıinde qalady.
Olaı bolsa kezinde bul jobany nege jobalaǵan? Eýropa zańdarynda sańylaý tabylady degen esep bolypty. Sebebi kezinde bul zań teńizdegi qubyrlarǵa taralmaǵan. Eýrokomıssııa 2017 jyly osyny bilip energetıkalyq hartııany teńizdegi qubyrlarǵa da taratý kerek degen talap qoıǵan. Zań uzaq talqylanyp, 2019 jyly basym daýyspen zańǵa ózgerister engizilgen.
Sot sheshimi ýkraındyq GTS-ke degen suranysty arttyrady. Bul tranzıttik kontrakt aıaqtalatyn 2024 jyldan keıin de Ýkraına arqyly gaz tranzıti jalǵasa beredi degen sóz.
Qýanysh EDILHANTEGI,
"Adyrna" ulttyq portaly
