Älemdık qauymdastyqta tamaşa söz bar. Ol «kım öz äskerın asyramas, özgenıŋ äskerın asyrauǧa mäjbür bolmaq» degen negızde aitylady. Būl jalpy tūtas alǧanda kez kelgen qorǧanys salasyna qatysty mäsele. Sebebı jauyngerlerdı barlyq qajettılıkpen qamtamasyz etu asa maŋyzdy. Sonyŋ ışınde tamaqtandyru mäselesı asa maŋyzdy. Aş qūrsaq äskerdıŋ aibyndy boluy, jürektı boluy ekıtalai. Qūlqyn oilaǧan jauynger, ūltyn qaidan oilasyn. Ony Qazaqstannyŋ qorǧanys salasy ejelden jaqsy tüsınıp, äskeri mäzırdı barynşa jaqsartuǧa maqsatynda jūmys ıstep keldı. Būl tūrǧydan jūmystar öz jalǧasyn tauyp ta keledı. Är ūlttyŋ özındık erekşelıkterın de eskere otyryp, äskeri mäzırdı äzırleuı tiıs. Būl täjıribenı Qazaqstan qorǧanys salasy da basşylyqqa alyp jatyr.
Mysaly Qazaqstan Respublikasy Qorǧanys ministrlıgı halyqaralyq armiia oiyndaryna qatysuşylarǧa dietalyq qospalar men vitaminder satyp aluǧa 40 million teŋgeden astam qarajat böldı. Būl asa maŋyzdy. Sebebı halyqaralyq oiyndarǧa qatysuşy tūlǧalardyŋ barlyǧy derlık tek özderın ǧana emes, özderı ant etken otandarynyŋ da imidjın tanytuşy jandar. Sondyqtan olardyŋ barynşa aibyndy, densaulyqtary myǧym boluy qajet.
Qorǧanys ministrlıgınıŋ sport komitetı - Ortalyq sport kluby mamyr-mausym ailarynda vitaminderdı satyp alu boiynşa tapsyrys ūiymdastyryp, nätijesın şyǧaryp ta ülgerdı. Jeŋımpazdar - «Mir Sporta» JŞS, «İsar İnvest» JŞS jäne «Kvatro Garanto» JŞS. Endı atalmyş kompaniialar sarbazdarymyzdy qajettı därumendermen qamtamasyz etpek.
«ARMI-2021» aşylu räsımı Mäskeu oblysyndaǧy «Alabino» saiabaǧynda öttı. 22 tamyz ben 4 qyrküiek aralyǧynda 40 ştat qatysayp, 11 ştattyŋ aumaǧynda 34 jarys ötedı. Qazaqstan Qaruly Küşterı 11 jarysqa qatysady. Qazaqstanda «artilleriialyq atys şeberlerı» jäne «sūŋqarlar saiysy» atty ekı saiys ötedı. Atalmyş saiystarda bızdıŋ jıgıtter jasyndai jarqyldaitynyna senım mol. Būl tūrǧydan olardyŋ dūrys tamaqtanuy men därumenderdı alyp tūru mäselesı şeşılgen.
Saiysqa qatyspaityn sarbazdardyŋ da mäselesı tolyq qaralyp, özınıŋ oŋ şeşımın tabuda. Atap aitqanda endı qazaq sarbazdary dästürlı formattaǧy taǧamdardy da jeitın bolady. Qazaqstan Qaruly Küşterı Bas ştaby Ūiymdastyru-jūmyldyru jūmysy bölımınıŋ aǧa ofiserı Ruslan Tapaşev qazaqstandyq äskeri qyzmetşılerdıŋ mäzırın qalai ärtaraptandyru kerektıgın aitty.
«Qazaq tamaqtandyru akademiiasymen bırlese otyryp äskerilerdıŋ tamaqtanu rasionyn jaqsartu boiynşa ūlttyq ashana erekşelıgın eskergen negızde jūmystar jürgızılude. Äskerilerdıŋ mäzırıne qosymşa jylqy, qoi, tüie, üirek, qaz etterı men türlı balyq türlerın qosu jaǧy josparlanuda. Sonymen qatar ūlttyq susyn türlerı qymyz, şūbat pen qūrtty qosu jaǧy da qarastyryluda. Sol arqyly bız tamaqtanudy jaqsartamyz. Tamaqtandyru qyzmetterın autsorsingke tabystadyq jäne jeke kompaniialarmen qamtamasyz etıledı. Sonymen qatar desanttyq-şabuyldauşy äskerdıŋ tamaǧy bölek, al ūşqyştardyky basqa. Barlyǧy da olardyŋ qyzmetı men boryştaryn öteitın erekşelıkterge bailanysty» deidı ministrlık ökılderı.
Osylaişa qazaq äskerınıŋ tamaqtanu rasiony ülken özgerısterge ūşyrauda. Tamaqtyŋ qūnarlylyǧy da, sapasy men kölemı de artyp, ūlttyq erekşelıktı de eskeru jaǧy tys qalmauda. Būl asa maŋyzdy. Elımızdıŋ ekonomikalyq jaǧdaiy jaqsarǧan saiyn sarbazdardy barlyq jaǧynan qamtamasyz etu jaǧy da artyp keledı. Keşegı ötken er babalardyŋ, qymyz sımırıp, sadaq tartqan batyrlardyŋ ūrpaqtary sol tamaqtanu dästürın qalpyna keltırıp, eldıktıŋ qazyǧyn nyq qaǧuda.
"Adyrna" ūlttyq portaly
