Kelesi jyldan bastap ulttyq biryńǵaı testileý jańa formatqa kóshiriledi. Sonymen qatar jańa sıpatta suraqtar daıarlaıtyn mamandar oqytylady. Bul týraly Ǵylym jáne joǵary bilim mınıstri Saıasat Nurbek jýrnalıst Nartaı Aralbaıulyna bergen suhbatynda aıtty, dep habarlaıdy “Adyrna” ulttyq portaly.
«UBT-ǵa qatysty eki problema bar. Aldymen suraqtardyń mańyzy. Shynyn aıtý kerek, onyń suraqtary formaldy. Adamdy oılaýǵa jáne onyń oılaý qabiletin tekserýge emes, jattaýǵa baǵyttalǵan. Bul máseleni qalaı sheshpekpiz? Búginde Kembrıdj ýnıversıtetimen birlesip UBT suraqtaryn túbegeıli túrde ózgertip jatyrmyz. Bıyl 350 test daıarlaıtyn maman oqytylyp, sertıfıkaııadan ótedi. Olar 5 myń jańa sıpattaǵy suraqtar ázirleıdi. Jańa formattaǵy test suraqtary SAT (Scholastic Assessment Test) halyqaralyq emtıhanyna uqsaıdy. Ol jerde aldymen balanyń oılaý qabileti nazarǵa alynady»,- dedi Saıasat Nurbek tilshi Nartaı Aralbaıulyna bergen suhbatynda.
