General Serık Küdebaev qaŋtar oqiǧasy boiynşa küdıktıler tızımıne endı. Būl turaly bas prokuratura mälımdedı, dep habarlaidy “Adyrna” ūlttyq portaly.
"Qazırgı uaqytta oblystyq polisiia departamentınıŋ lauazymdy tūlǧalaryna qatysty qylmystyq kodekstıŋ 370 babynyŋ 4 bölıgınıŋ 1 tarmaǧymen "Auyr zardaptarǧa alyp kelgen qyzmetındegı äreketsızdık" boiynşa tergeu amaldary jürgızılıp jatqanyn jäne oǧan Küdebaev Serık Myrzaqūlūly küdıktı bolyp tanylǧanyn mälımdeimız", - delıngen mälımette.Mūnymen qosa qylmystyq ıs jürgızu kodeksınıŋ 201-babyna säikes, sotqa deiıngı tergep-tekseru derekterı jariia etıluge jatpaityny, "sondyqtan qoiylǧan sūraqtarǧa tolyq jauap beru mümkın emestıgı" atalyp ötılgen. Eske salaiyq, būǧan deiın Işkı ıster ministrlıgı polisiia general-maiory Serık Küdebaevtyŋ Almaty oblysy boiynşa polisiia departamentı basşylyǧynan bosatyluy turaly aqparat taratqan. Vedomstvonyŋ mälımetınşe, Küdebaev qyzmetınen öz erkımen ketken.
”Adyrna” ūlttyq portaly
Ūqsas jaŋalyqtar
