Japonııa men Ońtústik Koreıanyń bankteri Irannyń 500 mıllıon dollaryn buǵattap tastady. Irannyń atalǵan 500 mıllıon dollary Reseıden alǵan qaryzy bolyp shyqty. Bul qarajatqa Reseı Iranda «Býsher-2» AES-niń qurylys jumystaryn júrgizgen bolatyn.
Qazir Iran Reseı aldyndaǵy qaryzyn tóleı almaı otyr. Bul jaıynda Irannyń Reseıdegi tótenshe jáne ókiletti elshisi Levan Jagarıan málimdeme jasady. Irannyń Japonııa men Ońtústik Koreıadaǵy memlekettik aktıvteriniń buǵattalýyna AQSh-tyń ekonomıkalyq sankııalary sebep bolǵan. Qazir sankııanyń soqqysynan Tegeran eshqandaı sharalarǵa bara almaı otyr. Iran ıslam memleketi 1970 jyldan bastap AQSh-tyń sankııasynda otyr. 2000 jyldan bastap sankııanyń kúshi tipti artty.
Reseı men Iran 1995 jyly «Býsher-2» AES-ni salý boıynsha kelisim shart jasasqan bolatyn. Kelisim shart aıasynda reseılik merdiger kompanııa «ZarýbejAtomEnergoStroı» Iranda AES-tiń qurylys jumystaryna kirisip, birinshi blogyn aıaqtaǵan. AQSh-tyń qatań sankııasynyń saldarynan Irandaǵy «Býsher-2» AES-niń jumysyna zıyn kelip, toqtap qalǵan. Qazir Reseı tarapy Irandaǵy «Býsher-2» AES-niń jumysyn jandandyrý maqsatynda rekatorlarǵa ıadrolyq janar-jaǵar maı ónimderin jetkizip berýde.
Al, ekonomıkalyq sarapshylar Reseıdiń Irandaǵy AES-tiń qurylys jumystaryna jumsaǵan 500 mıllıon dollary keri qaıtpaıdy dep joramaldaýda. Reseılik bılik ókilderi Irannyń 500 mıllıon dollar qaryzyn keshirip jiberýge de daıyn ekenin aıtty.
Bekbolat QARJAN,
«Adyrna» ulttyq portaly
