Irannyń Kerman qalasyndaǵy joǵarǵy qolbasshy Qasem Súleımanı jerlengen zırat mańyndaǵy jarylys saldarynan 73 adam qaza taýyp, 170-i jaralandy, dep habarlaıdy “Adyrna” portaly IRNA memlekettik aqparat agenttigine siltep.
Jergilikti BAQ-tyń habarlaýynsha, eki jarylys bolǵan. Kerman oblysynyń saıası jáne qaýipsizdik isteri jónindegi orynbasary IRNA agenttigine: «Bul gaz jarylysy nemese lańkestik áreket pe ekeni áli belgisiz», - dedi.
Tasnim aqparat kózderiniń habarlaýynsha, zırattyń kire berisine jaqyn jerde qashyqtan jarýǵa bolatyn bomba salynǵan eki paket bolǵan. IRNA da lańkestik áreketke uqsas is týraly aqparat berdi.
Eske sala keteıik, búgin, 3 qańtarda zıratta Qasem Súleımanıdi eske alý rásimi ótti. 2020 jyldyń dál osy kúni ol Baǵdad áýejaıynyń mańynda AQSh áýe kúshteriniń zymyrandyq shabýylynan qaza tapty. Qasem Súleımanı Islam revolıýııasy Saqshylar korpýsynyń quramyndaǵy elıtalyq «Quds» kúshteriniń jetekshisi boldy. Korpýs Iran úshin barlaý jáne syrtqy arnaıy operaııalarǵa jaýapty.
2020 jyldyń 7 qańtarynda Kasem Súleımanıdi jerleý rásimi kezinde mıllıondaǵan azamattar kóshege shyǵyp, 50-den astam adam qaza tapqan tóbeleske ákeldi.
