İrannyŋ oŋtüstıgındegı Kuhestak qalasynda üilenu toiy ötıp jatqan üige jasalǧan soqqyǧa amerikalyq oq-därı sebep boluy mümkın, dep habarlaidy “Adyrna”.
Būl turaly Reuters habarlady.
Agenttık rastaǧan foto jäne beinematerialdardy qaru-jaraq sarapşylary zerttegen. Üş sarapşy ǧimaratqa tüsken oq-därınıŋ amerikalyq boluy yqtimal ekenın aitqan. Olardyŋ pıkırınşe, nysanǧa soqqy tıkelei tigen boluy mümkın.
Reuters mälımetınşe, jarylystan kemınde tört adam qaza tauyp, 68 adam jaralanǧan. Keiın İrannyŋ memlekettık telearnasy auruhanada taǧy bır äieldıŋ qaitys bolǧanyn habarlaǧan. Osylaişa qaza tapqandar sany beseuge jetken.
Oqiǧa 1 qyrküiekte bolǧan. AQŞ äskerilerı sol aumaqta bailanys infraqūrylymyna jäne basqa da äskeri nysandarǧa soqqy jasaǧan. Üilenu toiy ötıp jatqan üi josparlanǧan nysannan şamamen 135 metr qaşyqta ornalasqan.
AQŞ tarapy būl oqiǧaǧa qatysty jauapkerşılıktı äzırge moiyndaǧan joq. AQŞ vise-prezidentı Djei Di Vens äskerilerdıŋ oqiǧany tekserıp jatqanyn mälımdedı. Onyŋ aituynşa, AQŞ äskerı beibıt tūrǧyndardy ädeiı nysanaǧa almaidy.
Al AQŞ Ortalyq qolbasşylyǧynyŋ mälımetınşe, soqqy bailanys mūnarasyna baǧyttalǧan. Būl nysan azamattyq jäne äskeri bailanys üşın paidalanylǧan boluy mümkın. Qazır CENTCOM drondardan tüsırılgen beinematerialdar men operasiia barysyn tekserıp jatyr.
