Memleket basshysynyń buqaralyq sportty damytý, balalarǵa sporttyq ınfraqurylymnyń barynsha qoljetimdi bolýyn qamtamasyz etý tapsyrmasyna sáıkes Shymkent qalasynda eki birdeı zamanaýı ashyq sport alańshasy el ıgiligine berildi.
Onyń biri Abaı aýdany, Samal 3 shaǵyn aýdany Izgilik jáne Iýsýpov kóshesiniń qıylysynda ornalasqan bolsa, ekinshisi Eńbekshi aýdany, Qarabastaý turǵyn alabynda ashyldy.
Qos birdeı sport nysandarynyń ashylý rásimine Shymkent qalasynyń ákimi Murat Áıtenov qatysty. Qala basshysy buqaralyq sportty damytýdyń negizinde saý ári sanaly urpaqty, myqty ultty qalyptastyratynymyzdy aıtyp ótti. Sonymen birge barsha qala turǵyndaryn salaýatty ómir saltyn ustanýǵa shaqyrdy.
Kóp fýnkıonaldy sport alańshalyrynyń ekeýide jeke kásipker «Eurasian Resources Group» JShS-niń jeke qory esebinen salyndy. Sport alańshalarynyń qurylysyna 13-14,5 mln teńge kóleminde qarjy jumsalǵan. Qurylysyn júrgizgen merdiger mekeme «Ferroteks» JShS-gi. Jalpy aýdany 324 sharshy metrdi quraıtyn bul nysanda sporttyq jabdyqtarmen jáne dene shynyqtyrýǵa arnalǵan qondyrǵylarmen jabdyqtalǵan. Munda sporttyń voleıbol, basketbol fýtbol túrimen jáne strıt vorkaýtpen aınalysýǵa bolady.
Buqaralyq sportty damytý boıynsha atqarylǵan jumystar jaıyn aıtyp ótken Abaı aýdan ákimi B.Parmanov 2014 jyldan beri aýdanda jalpy 222 aýla abattandyrylyp, 58 sport alańshasy salynǵanyn jetkizdi.
Sonymen qatar, Abaı aýdanynda qala ákiminiń turǵyndardyń buqaralyq sportpen aınalysýy men qolaıly ómir súrýine jaǵdaı jasaý týraly bergen tapsyrmasyna sáıkes osy jyly balalar jáne sport alańshalaryn ornatý jumystaryna 1 mlrd 389 mln.teńge qarjy bólingen. Bul qarjylar 21 kópqabatty turǵyn úı aýlalaryn abattandyrýǵa, 12 sport alańshalaryn aǵymdaǵy jóndeýge, 35 sport alańshalaryn ornatýǵa jumsalady. Sonymen qatar, aýdanda «Shymkent qaıyrymdy qala» qory arqyly demeýshilik esebinen 4 sport alańshasy ornatylǵan.
Sport alańshasyn tanystyrý barysynda Eńbekshi aýdanynyń ákimi D.Esilbek 2011-2020 jyldar aralyǵynda aýdan aýmaǵynda 85 alańsha qurylǵanyn jáne osy jyly 15 sport alańshasyn qurý josparlanyp jatqanyn baıandady.
Qarabastaý turǵyn alabynda 8932 halyq turady. Onyń ishinde jalpy balalar sany 3370.
Shymkent qalasynyń ákimdigi
