Tálibter Aýǵanstannyń astanasyn barlyq jaǵynan qorshaýǵa alǵan dep habarlaıdy "Adyrna" ulttyq portaly "Habar 24-ke" silteme jasap.
AQSh Kabýldaǵy elshilik qyzmetkerlerin tikushaqpen shuǵyl kóshirdi. Osynyń aldynda sodyrlar Jalalabad jáne Mazarı-Sharıf qalalaryna baqylaý ornatqan bolatyn. Shaharlardaǵy úkimet áskeri soǵyspaı berile salǵan.
– AQSh Prezıdenti Baıden áskerin alyp ketemin degen sátten bastap, "Talıban" shabýyldy birden kúsheıtti. Aýǵanstandaǵy soǵystyń sebep-saldary óte kúrdeli. Adamnyń qany sýsha tógilip jatyr. Bul qyrǵyn 40 jyldan beri jalǵasyp keledi. Syrtqy alpaýyt kúshterdiń aýǵan jerindegi tartysy azamattyq soǵysqa ulasty. Aýǵanstannyń strategııalyq múddelerdiń túıisken jerinde, onyń ishinde Ortalyq Azııada ornalasqany ózine sor bolyp tur. Meniń oıymsha, eldiń taǵdyryn aýǵan halqy jan-jaqty kelissózder arqyly óz qolyna alýy tıis. Bul – ishki másele, — deıdi analıtık Ramısh Salemı.
"Adyrna" ulttyq portaly.
