Tálibter Qandaǵar áýejaıyna shabýyl jasady

1252

"Talıban" qozǵalysy Aýǵanstannyń eń iri ekinshi qalasy — Qandaǵardyń áýejaıyn zymyranmen shabýyldady dep habarlaıdy "Adyrna" ulttyq portaly.

Áýejaı ákimshiligi  málimdegendeı, zymyran shabýyly kezinde ushý jolaǵy zaqymdanǵan, sol sebepti reıster toqtap qalǵan. Qazir munda jóndeý jumystary júrip jatyr.

"Talıban" men aýǵan úkimetiniń kúshteri Qandaǵardan bólek eldiń eki úlken qalasy Gerat pen Lashkar-Gah úshin de shaıqasyp jatyr. Bul úsh qalanyń kimniń jaǵynda qalatyny Kabýl úkimetiniń taǵdyryn aıqyndamaq.

31 shilde kúni "Talıban" Aýǵanstannyń batysyndaǵy Geratqa shabýyl jasady. Bir kúnnen soń aýǵan kúshteri tálibterdiń betin qaıtarǵanyn málimdedi.

Sondaı-aq 31 shildede Lashkar-Gah qalasynda da aýyr shaıqas boldy. Budan eki kún buryn qalanyń keı bólikterin tálibter basyp alǵan edi. Nátıjesindee bir adam qaza taýyp, úsh adam jaraqattanǵan.

Gılmend provınııasynyń keńesshisi Abdýl Májıt Abhýnzada "soǵys alańdarynda beıbit turǵyndardyń qalyp qoıǵanyn" aıtyp, alańdaýshylyq bildirdi.

Búgingi kúni Aýǵanstanda 20 jyl boıy bolǵan halyqaralyq áskerı kúshter elden ketip jatyr. AQSh áskeri Aýǵanstannan 11 qyrkúıekke deıin tolyq shyǵarylmaq. Halyqaralyq kúshterdiń qoldaýynsyz qalǵan aýǵan úkimeti "Talıbanǵa" qanshalyq tótep bere alatyny ázirge belgisiz.

 

"Adyrna" ulttyq portaly.

Pikirler
Uqsas jańalyqtar