Aýǵanstandaǵy qazirgi jaǵdaı Vetnamda 1973 jyldyń naýryzynda, AQSh-tyń sońǵy áskerleri elden shyqqan kezdegi jaǵdaımen uqsas. Bul týraly NATO-nyń burynǵy joǵary dárejeli áskerı qyzmetkeri jáne Brıýsseldegi qaýipsizdik jónindegi keńesshisi Per Enro málimdedi dep habarlaıdy "Adyrna" ulttyq portaly "RIA Novostı-ge" silteme jasap.
«Meniń oıymsha, prezıdent Ashraf Ganıdiń resmı Kabýl úkimeti osy qyrkúıekte sońǵy amerıkandyq sarbazdar ketkennen keıin eldi basqara almaıdy», - dedi ol.
Sarapshy eger radıkaldy «Talıban» qozǵalysy (Reseıde tyıym salynǵan) basyp alynǵan terrıtorııalarda emırat qursa, ol aımaqtarda batystyq qundylyqtarǵa oryn qalmaıtynyn jetkizdi.
Osyǵan uqsas pikirdi Lývan katolıktik ýnıversıtetiniń saıası ǵylymdar fakýltetiniń professory Lýı Le Hardı de Bole de aıtty. Ol Aýǵanstandaǵy Talıban bıliginiń birinshi kezeńi osyndaı boljamdar jasaýǵa múmkindik beretinin atap ótti.
Sarapshylar sonymen birge Aýǵanstan aýmaǵynda jáne odan tys jerlerde de gýmanıtarlyq problemalar bolatynyn boljady. Atap aıtqanda, olar kórshi elder men Eýropaǵa qashatyn bosqyndar sanynyń artatynyn aıtty.
Per Enro men Lýı Le Hardı de Bole sóz arasynda Eýropa elderi men Talıban arasynda dıplomatııalyq qatynastar ornatý múmkindigine kúmánmen qaraıtynyn da aıtyp qaldy.
"Adyrna" ulttyq portaly.
