Qyzylorda oblysy qoǧamdyq damu basqarma basşysy lauazymyna jaŋa kadr taǧaiyndaldy, dep habarlaidy “Adyrna” ūlttyq portaly.
Basqarma basşylyǧyna Kaiupov Ruslan Mūhamedälıūly taǧaiyndaldy.
Bügın oblys äkımı Nūrlybek Nälıbaevtyŋ töraǧalyǧymen ötken aktiv otyrysynda öŋırdegı kadrlyq özgerıster tanystyrylǧan.
Oblystyq qoǧamdyq damu basqarmasynyŋ basşysy qyzmetın atqaryp kelgen Esmahanov Almasbek Äbılqasymūly «AMANAT» partiiasy oblystyq filialynyŋ töraǧasy lauazymyna sailandy.
Aimaq basşysy damu basqarmasynyŋ basşylyǧyna kelgen Ruslan Kaiupovka sättılık tıledı.
«Ruslan Mūhamedälıūly – tuǧan jerdıŋ azamaty retınde aimaqtyŋ qoǧamdyq-saiasi ahualymen etene tanys. Türlı jauapty qyzmetterde täjıribesı tolysqan, qyzmet baspaldaǧymen satylap ösken bılıktı kadr, jauapty maman. Şyn mänınde, öŋırdegı qoǧamdyq-saiasi ahualdyŋ tūraqtylyǧyn qamtamasyz etude qoǧamdyq damu basqarmasynyŋ orny erekşe jäne jauapkerşılıgı joǧary. Bügınde ışkı saiasi tūraqtylyq airyqşa maŋyzǧa ie. Ruslan Mūhamedälıūly jaŋa qyzmette öŋırdegı qoǧamdyq-saiasi ahualǧa jüielı monitoring jürgızıp, äleumettık şielenısterdı boldyrmauǧa, äleumettık-ekonomikalyq taldaudy jaŋa qarqynda damytuǧa jūmys jasaityn bolady. Saiasi partiialarmen jäne qoǧamdyq bırlestıktermen, jastar, ardagerler jäne käsıpodaq ūiymdarymen özara ıs-qimyl ornatyp, qoǧam tūraqtylyǧy men halyq senımın saqtau jolynda jauapty jūmystardy joǧary deŋgeide atqaratynyna senım artamyz», – dedı Nūrlybek Maşbekūly.Jaŋadan sailanǧan Ruslan Mūhamedälıūly 1984 jyly Qyzylorda oblysy Şielı audanynda düniege kelgen. Joǧary bılımdı, «Ekonomika» mamandyǧy boiynşa bılım alǧan. Qorqyt Ata atyndaǧy Qyzylorda memlekettık universitetınıŋ «Memlekettık jäne jergılıktı basqaru» mamandyǧy boiynşa «Ekonomika jäne biznes» magistrı. Qazaqstan Respublikasy Prezidentı janyndaǧy Memlekettık basqaru akademiiasynyŋ tülegı, «Memlekettık saiasat» bılım beru baǧdarlamasy boiynşa «Biznes jäne basqaru» magistrı. Qoǧamdyq damu basqarmasynyŋ basşylyǧyna kelgen Ruslan Mūhamedälıūlyna “Adyrna” ūjymynyŋ atynan sättılık tıleimız! Jaŋa qyzmet qūtty bolsyn!
Ūqsas jaŋalyqtar
