Bıyl 400 myń sharshy metr turǵyn úı iske qosyldy

886
Adyrna.kz Telegram

Bul týraly oblys ákimi Mahambet Dosmuhambetovtiń tóraǵalyǵymen ótken otyrysta Ekonomıka jáne bıýdjettik josparlaý basqarmasynyń basshysy A.Ájiǵalıeva málimdedi.

Kún tártibinde Atyraý oblysynyń 2021 jylǵy I jartyjyldyǵyndaǵy áleýmettik-ekonomıkalyq damýynyń qorytyndysy qaraldy.

«Memleket basshysynyń tóraǵalyǵymen ótken keńeıtilgen keńeste respýblıka boıynsha birinshi jartyjyldyqta atqarylǵan jumystar qorytyndylandy. Osy turǵyda Prezıdent júktegen mindetterdi júzege asyrý, aldaǵy jumys josparlarymyzdy naqtylaýymyz qajet»,-dedi oblys ákimi Mahambet Dosmuhambetov.

Al, oblystyń ekonomıkalyq kórsetkishterine toqtalǵan basqarma basshysy Aıgúl Ájiǵalıeva keıbir baǵyttardaǵy ósimderge taldaý jasady.

  • Basqarma basshysynyń aıtýynsha, qańtar-maýsym aılarynda ónerkásip óniminiń kólemi 3 891,7 mlrd. teńgeni quraǵan.
  • Sondaı-aq, memlekettik bıýdjetke 687,4 mlrd. teńge somasynda salyqtar men basqa da mindetti tólemder jınalǵan.
  • Jyl basynan beri negizgi kapıtalǵa ınvestıııa kólemi bıylǵa maýsym aıynda 16,5 paıyzǵa ósken. Al, shaǵyn jáne orta kásipkerlik sýbektileriniń sany 0,9 paıyzǵa artyp, 50 742 birlikti quraǵan.

Oǵan qosa Aıgúl Ájiǵalıeva qurylys salasynda da edáýir ósim bar ekenin jetkizdi.

«Birinshi jartyldyqta qurylys jumystarynyń kólemi – 107,2 paıyz deńgeıinde qamtamasyz etildi. Bul baǵyttaǵy ósim Atyraý qalasynda 276,0% jáne Qurmanǵazy aýdanynda 164,8% jetip otyr. Osy aralyqta oblys boıynsha 399,8 myń sharshy metr turǵyn úı iske qosylyp, ótken jylmen salystyrǵanda 188,1 paıyzǵa ósken»,-dedi Aıgúl Ájiǵalıeva.

Aımaq basshysy oblystyń áleýmettik-ekonomıkalyq damýynyń negizgi kórsetkishteriniń biri ónerkásip salasynyń tómendeýine jol berip otyrǵan Isataı, Qyzylqoǵa, Mahambet aýdandary ákimderine jumysty jandandyryp, tıimdi uıymdastyrýǵa pármen berdi.

«Zerdelep qarasam, ákimder men basqarma basshylary barlyq máseleni qarjylyq qajettilikke, ıaǵnı, bıýdjet esebinen atqarylatyn jumystarǵa tirep qoıady. Sizderdiń qyzmetterińiz – jobalyq-smetalyq qujattama jasap, qurylys salýmen shektelmeýi kerek. Prezıdent qoıyp otyrǵan ekonomıkany ártaraptandyrýmen jańa aýylsharýashylyq, kásipkerlik jobalar, jańa jumys oryndaryn qurý máselesine basymdyq berý kerek»,-dedi M.Dosmuhambetov.

Sonymen qatar, jıyn sońynda Mahambet Dosmuhambetov jaýapty tulǵalarǵa ınvestıııa tartý jáne jumys oryndaryn qurý boıynsha sharalar qabyldaýdy tapsyrdy. «Eńbek» jáne «Bıznestiń jol kartasy 2025» memlekettik baǵdarlamalarynyń tıimdi ári sapaly oryndalysyn qamtamasyz etýdi mindettedi.

 

 

Pikirler