بۇل تۋرالى وبلىس اكىمى ماحامبەت دوسمۇحامبەتوۆتىڭ توراعالىعىمەن وتكەن وتىرىستا ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ا.اجىعاليەۆا مالىمدەدى.
كۇن تارتىبىندە اتىراۋ وبلىسىنىڭ 2021 جىلعى ءى جارتىجىلدىعىنداعى الەۋمەتتىك-ەكونوميكالىق دامۋىنىڭ قورىتىندىسى قارالدى.
«مەملەكەت باسشىسىنىڭ توراعالىعىمەن وتكەن كەڭەيتىلگەن كەڭەستە رەسپۋبليكا بويىنشا ءبىرىنشى جارتىجىلدىقتا اتقارىلعان جۇمىستار قورىتىندىلاندى. وسى تۇرعىدا پرەزيدەنت جۇكتەگەن مىندەتتەردى جۇزەگە اسىرۋ، الداعى جۇمىس جوسپارلارىمىزدى ناقتىلاۋىمىز قاجەت»،-دەدى وبلىس اكىمى ماحامبەت دوسمۇحامبەتوۆ.
ال، وبلىستىڭ ەكونوميكالىق كورسەتكىشتەرىنە توقتالعان باسقارما باسشىسى ايگۇل اجىعاليەۆا كەيبىر باعىتتارداعى وسىمدەرگە تالداۋ جاسادى.
- باسقارما باسشىسىنىڭ ايتۋىنشا، قاڭتار-ماۋسىم ايلارىندا ونەركاسىپ ءونىمىنىڭ كولەمى 3 891,7 ملرد. تەڭگەنى قۇراعان.
- سونداي-اق، مەملەكەتتىك بيۋدجەتكە 687,4 ملرد. تەڭگە سوماسىندا سالىقتار مەن باسقا دا مىندەتتى تولەمدەر جينالعان.
- جىل باسىنان بەرى نەگىزگى كاپيتالعا ينۆەستيتسيا كولەمى بيىلعا ماۋسىم ايىندا 16,5 پايىزعا وسكەن. ال، شاعىن جانە ورتا كاسىپكەرلىك سۋبەكتىلەرىنىڭ سانى 0,9 پايىزعا ارتىپ، 50 742 بىرلىكتى قۇراعان.
وعان قوسا ايگۇل اجىعاليەۆا قۇرىلىس سالاسىندا دا ەداۋىر ءوسىم بار ەكەنىن جەتكىزدى.
«ءبىرىنشى جارتىلدىقتا قۇرىلىس جۇمىستارىنىڭ كولەمى – 107,2 پايىز دەڭگەيىندە قامتاماسىز ەتىلدى. بۇل باعىتتاعى ءوسىم اتىراۋ قالاسىندا 276,0% جانە قۇرمانعازى اۋدانىندا 164,8% جەتىپ وتىر. وسى ارالىقتا وبلىس بويىنشا 399,8 مىڭ شارشى مەتر تۇرعىن ءۇي ىسكە قوسىلىپ، وتكەن جىلمەن سالىستىرعاندا 188,1 پايىزعا وسكەن»،-دەدى ايگۇل اجىعاليەۆا.
ايماق باسشىسى وبلىستىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرىنىڭ ءبىرى ونەركاسىپ سالاسىنىڭ تومەندەۋىنە جول بەرىپ وتىرعان يساتاي، قىزىلقوعا، ماحامبەت اۋداندارى اكىمدەرىنە جۇمىستى جانداندىرىپ، ءتيىمدى ۇيىمداستىرۋعا پارمەن بەردى.
«زەردەلەپ قاراسام، اكىمدەر مەن باسقارما باسشىلارى بارلىق ماسەلەنى قارجىلىق قاجەتتىلىككە، ياعني، بيۋدجەت ەسەبىنەن اتقارىلاتىن جۇمىستارعا تىرەپ قويادى. سىزدەردىڭ قىزمەتتەرىڭىز – جوبالىق-سمەتالىق قۇجاتتاما جاساپ، قۇرىلىس سالۋمەن شەكتەلمەۋى كەرەك. پرەزيدەنت قويىپ وتىرعان ەكونوميكانى ارتاراپتاندىرۋمەن جاڭا اۋىلشارۋاشىلىق، كاسىپكەرلىك جوبالار، جاڭا جۇمىس ورىندارىن قۇرۋ ماسەلەسىنە باسىمدىق بەرۋ كەرەك»،-دەدى م.دوسمۇحامبەتوۆ.
سونىمەن قاتار، جيىن سوڭىندا ماحامبەت دوسمۇحامبەتوۆ جاۋاپتى تۇلعالارعا ينۆەستيتسيا تارتۋ جانە جۇمىس ورىندارىن قۇرۋ بويىنشا شارالار قابىلداۋدى تاپسىردى. «ەڭبەك» جانە «بيزنەستىڭ جول كارتاسى 2025» مەملەكەتتىك باعدارلامالارىنىڭ ءتيىمدى ءارى ساپالى ورىندالىسىن قامتاماسىز ەتۋدى مىندەتتەدى.
