Sybaılas jemqorlyq – adamzattyń damýynan beri kele jatqan eń kóne kategorııalardyń biri. Ókinishke qaraı, sybaılas jemqorlyqty túp-tamyrymen joıǵan eshqandaı memleket, qoǵam, din jáne ıdeologııa joq. Sybaılas jemqorlyqqa qarsy kúres bıliktiń memlekettik ınstıtýttarynyń turaqty serigi bolyp tabylady. Búkil álem osy zulymdyqpen kúresýde.
Jambyl aýdandyq qazynashylyq basqarmasy da sybaılas jemqorlyqqa qarsy is-qımyl týraly zańnamanyń oryndalýy jóninde mynadaı jumystar júrgizýde:
Basqarma qyzmetkerlerine apparattyq jınalystarda «Sybaılas jemqorlyqqa qarsy is-qımyl týraly» jáne «Qazaqstan Respýblıkasynyń Memlekettik qyzmet týraly» zańdarynyń talaptaryn jumys barysynda saqtaýǵa jáne oryndaýǵa qatań eskertý jasaldy. Ádep kodeksi normalarynyń qyzmet barysynda buzylmaýyn, qylmystyq jáne ákimshilik quqyq buzýshylyqty boldyrmaý standarttarynyń qatań túrde saqtalýyna, syılyq alýǵa tyıym salynatyny jáne mundaı másele týyndaǵan jaǵdaıda ýákiletti organǵa tapsyrý tıistigi únemi eskertilip otyrady.
Basqarmada «senim telefony» (2-25-97) ornatylǵan jáne qońyraý shalǵan adamdar tirkeý jýrnalyna jazylady. Qazirgi tańǵa deıin «senim telefony» arqyly qyzmetkerlerge zańǵa qaıshy áreketteri úshin shaǵym tirkelmegen.
Sonymen qatar, basqarmada jeke jáne zańdy tulǵalardan kelip túsken hattarǵa arnalǵan poshta jáshigi ornatylǵan.
Osy oraıda, sybaılas jemqorlyqqa qarsy kúres jumysyn kúsheıtý maqsatynda 2021 jylǵy 5 qańtardaǵy № 2-n buıryqpen bekitilgen Almaty oblysy boıynsha qazynashylyq departamentiniń sybaılas jemqorlyqqa qarsy is-qımyl jónindegi 2021-2023 jyldarǵa arnalǵan is-sharalar jospary bekitilgen.
Sondaı-aq, basqarmada tehnıkalyq sabaqtar ótkizý josparǵa sáıkes basqarmanyń memlekettik qyzmetshileri arasynda bekitilgen is-shara taqyrybynda quqyqtyq oqýlar turaqty ótkizilip turady.
Basqarma qyzmetshileri jalpy qabyldanǵan moraldyq-ádeptilik normalaryn ustanýǵa, qoǵamǵa jat minez-qulyq, onyń ishinde, qoǵamdyq oryndarda adamnyń qadir-qasıetin jáne qoǵamdaǵy adamgershilikke nuqsan keltiretin masań kúıde bolý jaǵdaılaryna jol bermeýi týraly apparattyq jıyndarda qaralyp, qatań túrde eskertilip otyrady. Quqyqtyq-moraldyq normalarǵa sáıkes jáne jalpylama antıorta qylyǵyna sonymen qatar, qyzmetten tys ýaqytta basqarma qyzmetkerlerine áleýmettik jelilerdi paıdalaný kezinde onyń ishinde «Moı mır», «Odnoklassnıkı», «VKontakte», «Instagram» memlekettik qyzmetkerlerine syn bolyp tabylatyn fotosýretter men beınejazbalar ornalastyrýǵa tyıym salynatyny jóninde jáne qadaǵalaý júrgiziletini habarlandy.
Basqarma ǵımaratynda barshaǵa kórine-tindeı jerde «Ádep kodeksiniń» mátini ilingen.
