Qazaqstan Túrkııaǵa kómektesý úshin tikushaqtar men qutqarýshylar jiberdi. Bul týraly QR Tótenshe jaǵdaılar mınıstrliginiń resmı ókili Talǵat Ýálı málim etti, - dep habarlaıdy "Adyrna" ulttyq portaly Tengrinews.kz saıtyna silteme jasap.
QR Tótenshe jaǵdaılar mınıstrligi Memleket basshysy Qasym-Jomart Toqaevtyń tapsyrmasy boıynsha orman órtterin sóndirýge kómektesý úshin Túrkııa Respýblıkasyna "Qazavıaspas" AQ eki Mı-8 AMT tikushaǵyn jáne 16 qutqarýshydan turatyn jedel top jiberdi.
"Qazaqstandyq tikushaqtar búgin ushyp ketti jáne úsh eldiń shekarasy arqyly Túrkııanyń Mýgla qalasyna jetedi. TJM birinshi vıe-mınıstri Ibragım Kúlshimbaev jedel topty Nur-Sultan áýejaıynda shyǵaryp saldy. Bizdiń qutqarýshylardyń jergilikti bılikpen sol jerdegi ózara áreketin Qazaqstan Respýblıkasynyń Túrkııadaǵy Elshiligi úılestiredi", - dedi Ýálı.
Sondaı-aq, Qazaqstan órtengen aımaqtardaǵy orman jamylǵysyn qalpyna keltirý úshin gýmanıtarlyq kómek kórsetpek. Otyrǵyzylǵan orman Qazaqstan men Túrkııa halyqtarynyń dostyǵy men baýyrlastyǵyn beıneleıdi.
