Túrkııanyń Ystanbul qalasynda qazaq dramatýrgi, jazýshy, jýrnalıst Dýman Ramazanǵa «Túrki áleminiń eń úzdik dramatýrgi» ataǵy saltanatty túrde tabystaldy. Bul týraly qyrǵyz jazýshysy, TÚRKSOI uıymynyń bas hatshysy Sultan Raev Facebook paraqshasynda jarııalady, dep habarlaıdy “Adyrna” ulttyq portaly.
“Dýman Ramazan baýyrymnyń dramalarymen burynnan tanyspyn. Kúshti dramatýrg, dramanyń oı-qyrlaryn tereńdetken, tarıhı taqyrypta da, qazirgi zaman taqyrybynda da jazǵan shyǵarmalary óte zerttelip, ishki qarama-qaıshylyqty, epıkalyq shıelenisti erekshe bir júıeli stılde baıandaǵany aıqyn ereksheligi bar. Dýman qazaq dramatýrgııasyndaǵy jańa kórinis, estetıkalyq qubylys, jańa beles. Sońǵy jyldary ol ulttyq sahnada jasaǵan tarıhı polotnolary búgingi teatrdyń bıigine qanat qaqqan. «Kereı - Jánibek», «Abylaı hannyń armany», «Joshy han» jáne basqa da tarıhı dramalary ulttyq qundylyqtar men dástúrlerge degen tarıhı kózqarasty kórkem týyndylarda beınelegen. Astanadaǵy Kýbanyshbaev atyndaǵy ulttyq drama teatrynyń sahnasynda qoıylǵan «Joshy han» tarıhı dramasy qazaq mádenıetindegi jańa kezeńdi kórsetedi”, dep jazdy Raev.
