Túrkııa Syrtqy ister mınıstrligi Izraıldiń palestınalyqtarǵa qarsy áreketin aıyptady, dep habarlaıdy "Adyrna" ulttyq portaly. Bul týraly Anadolu agenttigi jazdy.
Málimdemede atap ótilgendeı:
«Biz Izraıl qaýipsizdik kúshteriniń Palestınanyń birneshe qalasynda, atap aıtqanda Djenın qalasynda 7 palestınalyq beıbit turǵyndy, sonyń ishinde bir balany óltirýin jáne búgin tańerteń olardyń aralasýy kezinde namazǵa jınalǵan ál-Aqsa meshitinde bolǵan musylmandardy jaralaǵanyn qabyldamaımyz jáne qatań aıyptaımyz. Biz aımaqtaǵy sońǵy ýaqytta shıelenistiń kúsheıýine qatty alańdaımyz. Ál-Aqsa meshitiniń mártebesi men rýhyna qatysty arandatýshylyqtar men qoqan-loqqylardyń aldyn alýdyń mańyzdylyǵyn, ásirese, osynaý qıyn kezeńde taǵy da qaıtalaǵymyz keledi.
Oqıǵalarda qaza tapqan palestınalyq beıbit turǵyndarǵa Allanyń raqymyn, jaralylardyń tezirek saýyǵyp ketýin tileımiz» dedi.
"Adyrna" ulttyq portaly
