«Nur Otan» partııasynyń Qarasaı aýdandyq fılıalynda jıyn ótti

1825
Adyrna.kz Telegram

Sybaılas jemqorlyqtyń aldyn alý úshin óskeleń urpaqtyń sanasyna onyń qanshalyqty qoǵamǵa zııandy, tıgizer kesiri mol ekenin túsindirý qajet. Bul – jemqorlyqtyń beleń almaýyna degen alǵashqy qadamdardyń biri. Bir apta buryn osy taqyryp keńinen talqylanyp, aýdandyq Jastar resýrstyq ortalyǵynyń uıymdastyrýymen, sanıtarlyq talapqa saı, «Nur Otan» partııasynyń Qarasaı aýdandyq fılıalynda jıyn ótti.

Basqosýǵa «Jetisý – adaldyq alańy» jobalyq keńsesiniń menedjeri Ilııas Saılaýbaıuly men Almaty oblystyq Jastar resýrstyq ortylyǵynyń Rýhanı qundylyqtardy damytý bóliminiń basshysy Madııar Jumabaev arnaıy qatysyp, taqyryptyń aıasynda aqparattyq-nasıhattaý jumystaryn júrgizdi. Al, olardyń aıtqan oılaryn aýdannyń jas máslıhat depýtattary, jastar isi jónindegi ádisker-nusqaýshylar, jas mamandar jáne eriktiler tyńdap, pikir almasty.

Jıyn barysynda aldymen sybaılas jemqorlyqqa qatysty beınerolık kórsetildi. Odan keıin Ilııas Saılaýbaıuly taqyrypty keńinen ashý úshin óziniń oıyn ortaǵa salyp, mańyzdy aqparattarymen bólisti. Onyń aıtýynsha, «Jetisý – adaldyq alańy» jobalyq keńsesi turmystyq sybaılas jemqorlyqqa qarsy mádenıetti dáriptep, halyq pen memlekettik mekemelerdiń ashyqtyǵyn qamtamasyz etýde. Sonymen qatar, oblys ákimi Amandyq Batalovtyń tikeleı tapsyrmasymen barlyq aýdan ortalyqtary men qalalarda jobalyq keńse ashylyp, sybaılas jemqorlyqqa qarsy mádenıtti dáripteýde, memlekettik bılik ınstıtýttaryna azamattyrdyń senimin nyǵaıtý baǵyttarynda óz jumysyn júrgizip keledi.

Resmı derekke súıensek, oblys boıynsha 20 aýdan ortalyǵy men kóptegen qalada jobalyq keńse ashylǵan. Odan bólek, 232 aýyldyq okrýgte joba buryshtary halyq ıgiligi úshin qyzmet isteıdi. Osylaısha Almaty oblysy kóleminde memlekettik mekemelerdiń ashyqtyǵy qamtamasyz etiledi.

Jobalyq keńseniń atqaryp jatqan jumystarynyń taǵy biri – «Antikor-Live». Bul bastama oblys boıynsha COVID-19 indetiniń saldarynan memlekettik mekemelerdiń jumysy onlaın rejimge kóshýine baılanysty qolǵa alyndy. Negizgi maqsaty – quzyrly organdar men halyq arasynda dıalogtyq alań quryp, tikeleı efır arqyly memlekettik mekeme basshylarynyń qatysýymen turǵyndardyń ózekti suraqtaryna jaýap berý.

«Sybaılas jemqorlyq» uǵymy talqylanǵan bul jıynda joǵaryda aıtylǵan aqparattar keńinen túsindirildi. Is-sharanyń maqsatyna oraı jemqorlyqtyń paıda bolýy men ony joıý úshin jastarǵa ádildik, adaldyq baǵytynda derekter aıtyldy.

 

Pikirler