« COVID-19» - oiynşyq emes!

Koronavirus!!! Öŋır «qyzyl» aimaqta. Pendenıŋ üreiın alatyn, jan türşıgerlık sözder ömırımızge enıp ketkelı qaşan. Dabyl ünı, därmensız adam, damylsyz qyzmet. Auruhana qabyrǧasynda ötıp jatqan ömırdıŋ körınısı osy. Janyna araşa ızdep jatqan nauqastyŋ mūŋly közı, taryqqan dem, qauqarsyz jannyŋ taǧdyry aq halattylardyŋ käsıbilıgın barynşa synap jatyr. Qaşyp qūtylatyn jol joq. Öitkenı ol-ındet!. Senbegender bar-tyn. Älı de bar. Bıraq, aqiqaty sol «täjdı tajal» bızdı tastap ketken joq. Janymyzda, mūryn ūşynda, aiaq astynda jatqanyn bırı sezse, bırı sezbeidı. Naqtylasaq, sezgısı de, sengısı de kelmeidı. Al, ajalǧa betpe-bet kelgender ındettıŋ baryn joqqa şyǧarmaidy. Olar bır ölımnen aman qaldy. Ekı dünienıŋ ortasynda şybyn jandaryn şyrqyratyp kürestı. Şegınerge jol joq. Öitkenı, otbasy kütıp tūr. Almaty oblysynda da ındet örşude. Statistikalyq derekter jaǧa ūstatarlyq. Äldekımder, ükımettıŋ halyqty şoşytu üşın jasap otyrǧan aila-täsılı destı. Aqiqatyna köz jetkızu üşın, basymyzdy qaterge tıgıp, täuekel etıp, ındettıŋ şoǧyryna kırdık. Oblystyq infeksiialyq auruhanaǧa jaǧdaidy öz közımızben köru üşın bardyq. Bır közben qaraǧanda, aulasy taza, auruhana ışı mülgıgen tynyştyq siiaqty. Būl syrt adamnyŋ qos janaryna syiǧan körınıs. Al, ışkı jūmys müldem basqa. Nauqas jatqan bölımge arnaiy qorǧanyş kiımderınsız kıruge qataŋ tyiym salynǧan. Auruhana qyzmetkerı bızdı kiındırıp, qarusyz maidannyŋ ortasyna, jalyndaǧan ottyŋ ışıne jıberdı. Taŋdau bızdıkı edı. Şyndyqqa tura qarap, epidahualdyŋ qanşalyqty auyrlyǧyn sezıngımız keldı. Hoş, bardyq. Sauytyn asynǧan sarbazdai, kiımdı kidık. Äp sätte, tynys tarylyp, dem jetpedı. Bır sät, koronaviruspen auyrǧandar qaittı eken? degen oiǧa qaldyq. Öte auyr. Sözben jetkızu mümkın emes. Jaryq dälız, sansyz esıkter, onyŋ artynda bır taǧdyrdyŋ iesı ömır üşın küresıp jatyr edı. Bırazynyŋ betı berı qaraǧan. Aq halattylardan būryn nauqastyŋ özıne, sözıne män berdık. Söittıkte sözge tarttyq. 26 şılde künı auru belgılerın bergen. Dene qyzuy 39,5 –ke deiın köterılgen. Därınıŋ küşımen qyzudy tüsırıp otyrǧan. Pendelıkke salynyp, kovidke senbegenderdıŋ bırı Aqnūr Nūrbekova. Aituynşa, 2 tamyzda jaǧdaiy tym naşarlaǧan soŋ jedel-järdem şaqyrǧan. Test tapsyryp, artynşa ındetke şaldyqqany anyqtalǧan.

«Dert öte auyr därejede öttı. Auruhanaǧa kelerde özıme qajettı kiım-keşegımdı jinai almadym. Ekı ökpem qysqanda «ölgen jerım osy»,- dep oiladym. Ekı ūlym bar. Solardy kım qaraidy dep qoryqtym. Qazır betım berı qarady. Densaulyǧym jaqsardy. Därıgerlerge raqmet. Kündız-tünı qarap, ajaldan aman alyp qaldy. Auruǧa senbeitınderge aitarym, būl - qaljyŋ emes. Qatty örşıp jatyr. Öz-özderıŋızdı kütıŋızder»,-deidı Aqnūr Nūrbekova.

Käduılgı tamaq auruy syndy bastalypty alǧaşynda. Virus barlyq adam aǧzasyn äp sätte dendep ketedı eken. Oblystyq auruhanaǧa tüskenderdıŋ basym köpşılıgı jai ǧana atamaq auruy ǧoi dep elemegendıkten emhana keruetıne taŋylǧan. Solardyŋ bırı Äsel Sabyrbaeva.

«23 şılde auyryp bastadym. Jūtqynşaǧymda auyrsynu belgılerı boldy. Özım būrynnan «Tanzilit» bolyp auyratyndyqtan «kovid» degen oi bolmady. Üidegı kışkentailardyŋ da tamaǧy ısıp auyrdy. Olar tez jazyldy. Menıkı bolsa asqyna berdı. Künde jedel-järdem şaqyrtumen boldym. Koronavirusqa test aldy. Oŋ nätije şyqty. Sodan auruhanaǧa tüstım. Tynysym tarylyp, demaluym qiyn boldy. Alǧaşqy künderı ottegı apparatynyŋ kömegımen tynystadym. Qazır jaǧdaiym jaqsardy. Men vaksina alyp ülgermedım. Eger ekpe saldyrǧanda auyru jeŋıl türde öter ma edı. Üş aidan soŋ ekpe alamyn. Densaulyǧym maŋyzdy»,-deidı nauqas.

Bız tıldesken qos būrymdynyŋ da aitqany « COVID-19» bar. Eşqandai ötırık emes deidı. «Adamdarmen tyǧyz-qarymqatynas jasaudan saqtanu kerek, köşege betaldy şyqpaŋyzdar, ekpeden qoryqpaŋyzdar. Ol kerısınşe immundyq jüienı qalyptastyrady»,- dep ekı keiıpkerde janūşyra şyndyqtaryn aityp baqty. Den qoiyp tyŋdar halyq bolsa, boiyna sıŋıretın sana bolsa, ölım auzynan qaityp kelgen adamdardyŋ qatelıgın qaitalamaidy dep senım aratmyz. Eskertu! « COVID-19» - oiynşyq emes. Qazırgı kezde resmi derekter, Almaty oblysynda osy uaqytqa deiın KVİ zerthanalyq rastalǧan 33 959 jaǧdai tırkelgendıgın körsetude. Bügıngı taŋda 100 myŋ tūrǧynǧa şaqqanda KVİ syrqattanuşylyq körsetkışı – 1588,8 qūrady. Oblys boiynşa virustyŋ ösu qarqyny soŋǧy 2 aptada 0,8% - dan 1,0% - ǧa deiın artty. Ötken aptada eŋ joǧary ösu qarqyny Alaköl, Balqaş, Eskeldı, Qarasai, Qaratal, Kerbūlaq, Raiymbek, Sarqan audandarynda jäne Qapşaǧai qalasynda baiqaldy. Eŋ soraqysy bır täulıkte 300 adam koronavirusqa şaldyqqan. Kesel-jas taŋdamaidy. Ol aqiqat. Bügıngı künı, oblysta 14 jasqa deiın 49 bala virus jūqtyrsa, 3 student pen 30 mektep oquşysy aurudyŋ zardabyn şegıp otyr. Es jiyp, etek jinar uaqyt jettı. Keseldıŋ jolyn kesudıŋ jalǧyz joly-ūjymdyq immunitet. Ony qalyptastyratyn - ekpe. Saqtansaŋ, saqtaidy!.