Nūr-Sūltan qalasy Esıl audandyq sotynyŋ sudiasy Qanat Düisembiev «SK-Farmasiia» JŞS-nıŋ būrynǧy basşysy Berık Şärıpke qatysty ükım şyǧardy, dep habarlaidy "Adyrna" tılşısı.
Sudia ükımdı oqydy, oǧan säikes B.Şärıpke qarudy zaŋsyz saqtaǧany üşın aiyppūl salyndy, al därıgerlerge auru jūqtyrdy degen aiybynan aqtaldy.
Berık Şärıp bap boiynşa qylmystyq qūqyq būzuşylyq jasaǧany üşın Qazaqstan Respublikasynyŋ Qylmystyq kodeksınıŋ 287 b. 2 bölıgı boiynşa kınälı dep tanyldy jäne oǧan 2 million 778 myŋ teŋge somasynda 1000 AEK mölşerınde aiyppūl salyndy. Berık Şärıp QR QK 361 b. 4 b. 3 t. boiynşa qylmystyq qūqyq būzuşylyq jasamaǧany naqtylanyp, kınälı emes dep tanyldy jäne onyŋ ıs -äreketınde qylmystyq qūqyq būzuşylyq bolmaǧany anyqtalyp, aqtaldy. Berık Şärıpke taǧaiyndalǧan jaza öteldı dep eseptelsın jäne ol sot otyrysy küzetınen bosatylsyn. Qamauda ūstau türındegı būltartpau şarasynyŋ küşı joiyluǧa tiıs. Qylmystyq jauapkerşılıkke tartu arqyly zaŋmen keltırılgen ziiannyŋ orny toltyrylsyn - dedı sudia Qanat Düisembiev.Berık Şärıptı 2020 jyldyŋ 14 tamyzynda Sybailas jemqorlyqqa qarsy qyzmet qyzmetkerlerı ūstap, Nūr-Sūltan PD uaqytşa ūstau izoliatoryna qamady. Ol 2020 jyldyŋ 21 säuırınen bastap tegın medisinalyq kömek kölemın qamtamasyz etu üşın därı -därmek pen medisinalyq maqsattaǧy būiymdardy satyp alu jönındegı distribiutorlyq kompaniiany basqardy. 2020 jyldyŋ 10 şıldesınde ol el prezidentı Qasym-Jomart Toqaevtyŋ synynan keiın qyzmetınen bosatyldy. SK-Farmasiianyŋ būrynǧy basşysynyŋ ısı «Qyzmettık ökılettıktı asyra paidalanu» jäne «Qarudy, oq-därılerdı, jarylǧyş zattar men jarylǧyş qūrylǧylardy zaŋsyz alu, beru, satu, saqtau, tasymaldau nemese alyp jüru» baptary boiynşa qaraldy. Atap aitqanda, būrynǧy JŞS basşysy 2020 jyldyŋ säuır-mamyrynda sapasyz qorǧanys kostiumderı men zaŋsyz saqtalǧan qarudy satyp alu saldarynan därıgerlerge jappai koronavirus infeksiiasyn jūqtyrdy dep aiyptaldy. Soŋǧy sözınde Şärıp özınıŋ kınäsın moiyndamaitynyn qaitalady. Būǧan deiın prokuror Berık Şärıpke bes jyl bas bostandyǧynan aiyrudy ortaşa rejimdegı koloniiada öteudı sūraǧan bolatyn.
"Adyrna" ūlttyq portaly
Ūqsas jaŋalyqtar
