Grekııada aýa raıynyń temperatýrasy 45 gradýstan asyp, ormandy alqaptarynda úlken masshtabta órt bolyp jatyr. Peloponnes pen Rodos araldaryndaǵy ormandar órttiń qushaǵynda qaldy. Qazir Grekııadaǵy alapat órtke álemniń elderi kómek qolyn sozýda.
Grekııadaǵy aýa raıynyń tempetarýrasy 1987 jyldan beri mundaı kórsetkishke jetpepti. Osyndaı qapyryqtyń saldarynan ormandy alqaptarda órttiń qarqyny basylmaı tur.
Qazir Aheıa oblysyndaǵy Peloponneste 3 myń gektarǵa jýyq ormandy alqap órtenip ketti. Sonymen birge órt araldardyń mańynda jaǵalaı salynǵan úılerdi de sharpydy. Memlekettiń tótenshe jaǵdaılar qyzmeti adamdardy órt sharpyǵan aımaqtardan evakýaııalap jatyr. Qazir 8 adam órtten aýyr zardap shegip, aýrýhanaǵa jetkizilgeni habarlandy. Aımaqtardaǵy demalys oryndaryndaǵy týrıstterdiń barlyǵy da evakýaııalanyp jatyr. Rodostaǵy órttiń saldarynan elektr qurylǵylarynyń barlyǵy isten shyǵyp ketti.
Aýa raıyn boljaýshy sınoptık mamandar Grekııada aýa raıynyń joǵary temperatýrasy biraz ýaqyt saqtalady dep boljap otyr. El úkimeti turǵyndardyń bárine saqtyq sharalaryn qolǵa alýǵa shaqyrdy.
Bekbolat QARJAN,
"Adyrna" ulttyq portaly
