گرەكيادا اۋا رايىنىڭ تەمپەراتۋراسى 45 گرادۋستان اسىپ، ورماندى القاپتارىندا ۇلكەن ماسشتابتا ءورت بولىپ جاتىر. پەلوپوننەس پەن رودوس ارالدارىنداعى ورماندار ءورتتىڭ قۇشاعىندا قالدى. قازىر گرەكياداعى الاپات ورتكە الەمنىڭ ەلدەرى كومەك قولىن سوزۋدا.
گرەكياداعى اۋا رايىنىڭ تەمپەتارۋراسى 1987 جىلدان بەرى مۇنداي كورسەتكىشكە جەتپەپتى. وسىنداي قاپىرىقتىڭ سالدارىنان ورماندى القاپتاردا ءورتتىڭ قارقىنى باسىلماي تۇر.
قازىر احەيا وبلىسىنداعى پەلوپوننەستە 3 مىڭ گەكتارعا جۋىق ورماندى القاپ ورتەنىپ كەتتى. سونىمەن بىرگە ءورت ارالداردىڭ ماڭىندا جاعالاي سالىنعان ۇيلەردى دە شارپىدى. مەملەكەتتىڭ توتەنشە جاعدايلار قىزمەتى ادامداردى ءورت شارپىعان ايماقتاردان ەۆاكۋاتسيالاپ جاتىر. قازىر 8 ادام ورتتەن اۋىر زارداپ شەگىپ، اۋرۋحاناعا جەتكىزىلگەنى حابارلاندى. ايماقتارداعى دەمالىس ورىندارىنداعى تۋريستتەردىڭ بارلىعى دا ەۆاكۋاتسيالانىپ جاتىر. رودوستاعى ءورتتىڭ سالدارىنان ەلەكتر قۇرىلعىلارىنىڭ بارلىعى ىستەن شىعىپ كەتتى.
اۋا رايىن بولجاۋشى سينوپتيك ماماندار گرەكيادا اۋا رايىنىڭ جوعارى تەمپەراتۋراسى ءبىراز ۋاقىت ساقتالادى دەپ بولجاپ وتىر. ەل ۇكىمەتى تۇرعىنداردىڭ بارىنە ساقتىق شارالارىن قولعا الۋعا شاقىردى.
بەكبولات قارجان،
"ادىرنا" ۇلتتىق پورتالى
