Mańǵystaý oblysy Munaıly aýdany Aqtaý qalasyna jaqyn jerde ornalasqan turǵyn alabynda bir otbasy gazǵa ýlanyp, úsh adam qaza tapty. Málimetterdi jergilikti bılik rastady, dep habarlaıdy “Adyrna” ulttyq portaly.
Málimet boıynsha, 23 aqpanda Munaıly aýdanynda ornalasqan "Qalamqas" turǵyn alabynda órt boldy.
“Bir otbasynyń tórt múshesi kómirqyshqyl gazynan ýlanǵan. Oqıǵa ornynda úsh adam qaza tapty, onyń ekeýi – jasóspirim. Bir adam aman qaldy. Ol aýyr halde oblystyq kópsalaly aýrýhanaǵa jatqyzyldy”, delingen Mańǵystaý oblysy tótenshe jaǵdaılar departamentiniń habarlamasynda.
Munaıly aýdany ákimdiginiń baspasóz qyzmeti marqumdardyń otbasylaryna materıaldyq kómek kórsetilgenin habarlady. Basqa da qajetti qoldaý sharalary qabyldandy deıdi.
Aldyn ala boljam boıynsha, úıdegi jylytý peshiniń murjasy bolmaǵan. Osynyń saldarynan ýly gaz syrtqa shyqpaı, úı ishine jaıylǵan.
