Google keńsesine koronovırýsqa qarsy vakına alǵan qyzmetkerler ǵana kele alady, dep habarlaıdy «Adyrna» ulttyq portaly Tengrinews.kz saıtyna silteme jasap.
Kompanııa koronavırýstyń jańa tolqyny órshýine baılanysty qyzmetkerlerdiń qashyqtan jumys isteý rejımin alyp tastaýdy 1 qyrkúıekten 18 qazanǵa aýystyrdy.
Google bas dırektory Sýndar Pıchaıdyń aıtýynsha, Google kampýstaryna jumysqa oralǵysy keletin qyzmetkerler vakına alýy kerek. Jeńildik tek densaýlyǵyna baılanysty vakına almaıtyn adamdarǵa jasalady.
«Kampýstarǵa jumysqa keletinderdiń bárine vakına alý mindetteledi. Biz bul saıasatty AQSh-ta aldaǵy aptalarda, al basqa aımaqtarda aldaǵy aılarda júzege asyramyz. Iske asyrý jergilikti jaǵdaılar men erejelerge saı ózgeredi», - delingen Pıchaı málimdemesinde.
Sonymen qatar qyzmetkerlerge 18 qazanǵa deıin qashyqtan jumys isteýge ruqsat etildi, óıtkeni kóp adam "delta" shtamyna baılanysty jergilikti aýrýdyń órshýine alańdaıdy jáne keńsede jumys isteýge qorqady. Odan keıin kompanııa qyzmetkerleri keńsede aptasyna keminde úsh kún jumys isteýi kerek.
Alaıda erekshe jaǵdaıǵa tap bolǵan adamdar 2021 jyldyń sońyna deıin qashyqtan jumys isteı alady.
"Adyrna" ulttyq portaly
