Koronavırýs: Mılannan kelgen 14 jolaýshy basqa qalaǵa ketip qalǵan

5715
Adyrna.kz Telegram

Nur-Sultanda shetelden kelgen eki qazaqstandyqtan koronavırýs tabyldy. Elordanyń qoǵamdyq densaýlyq saqtaý basqarmasynyń basshysy Sáýle Qısyqova birinshi naýqaspen birge ushaqta bolǵan azamattar týraly aıtyp berdi. Bul týraly Sputnik Qazaqstan habarlaıdy.

Onyń aıtýynsha, Mılannan ushyp kelgen bortta naýqastan bólek 89 adam bolǵan. Olardyń ishinde 42 adam – Qazaqstan azamaty, 42 adam – Reseı azamaty. Nıderlandy, Avstralııa, AQSh, Ýkraına men Meksıkadan bir adamnan bolǵan. Barlyǵymen baılanys ornatyldy.

"35 jolaýshy Nur-Sultan qalasynan tys jerge shyǵyp úlgergen. Olardyń ishinde 21 adam Reseıge ketip qalǵan. Al 14 jolaýshy birden aımaqtarǵa taralyp ketken. Olardy jergilikti jerdegi densaýlyq saqtaý basqarmalary baqylaýǵa aldy. Sonyń ishinde Almaty, Atyraý, Stepnogorsk pen Qaraǵandy qalasy bar. Qazirgi kezde olardy staıonarǵa oqshaýlaý sharalary atqarylyp jatyr", - dedi Qısyqova astanada ótken baspasóz máslıhatynda.

Osylaısha, Nur-Sultanda 54 jolaýshy qalǵan. Olardyń ishinde 53 adam aýrýhanaǵa karantınge jatqyzyldy. Bir adam dıplomat bolyp shyqty.

"Ol – Reseı Federaııasynyń azamaty. Dıplomatııalyq rangy bar. Reseı Federaııasynyń elshiligi nota jiberdi. Osyǵan baılanysty ol azamat elshilik aımaǵynda qaldy", - dep atap ótti Qısyqova.

Esterińizge sala keteıik, Qazaqstanda koronavırýsqa shaldyqqandardyń sany 6 adamǵa jetti.

Búgin densaýlyq saqtaý mınıstrligi eki adamnan koronavırýs tabylǵanyn málimdedi. Al keshe densaýlyq saqtaý mınıstri Eljan Birtanov eki qazaqstandyqtan koronavırýs tabylǵanyn jarııalaǵan bolatyn. Olardyń bireýi Qazaqstanǵa 9 naýryzda, al ekinshisi 12 naýryzda túnde ushyp kelgen. Artynsha Nur-Sultanda koronavırýstyń alǵashqy deregi tirkeldi. Naýqas Mılan qalasynan Nur-Sultanǵa 12 naýryzda kelgen. Keshke qaraı tórtinshi adamnan koronavırýs tabyldy. 76 jastaǵy azamat Germanııadan Almatyǵa ushyp kelgen.

Pikirler