Qaraǧandyda oiynşyq tapanşamen qorqytyp, oiyn klubynan 4 millionǧa juyq aqşa ūrlap ketken küdıktıge qatysty qylmystyq ıs qozǧaldy. Būl turaly Polisia.kz jariialady, dep habarlaidy “Adyrna” ūlttyq portaly.
30 qyrküiek künı saǧat 12.00 şamasynda Qaraǧandy qalalyq Polisiia basqarmasynyŋ Jedel basqaru ortalyǧyna qaladaǧy oiyn klubtarynyŋ bırınde qaraqşylyq şabuyl bolǧandyǧy turaly habarlama tüstı. Oqiǧa ornyna bırden jedel-tergeu toby jıberıldı.
Polisiia qyzmetkerlerıne klubtyŋ qyzmetkerı ünemı osy mekemede oiyn oinap jürgen klienttıŋ bırı kenetten tapanşaǧa ūqsas zatpen qorqytyp, aqşa talap etkenın tüsındırdı.
Küdıktı kassadaǧy 3,9 mln teŋgenı qoldy qylyp, oqiǧa ornynan ızın suytqan. 34 jastaǧy küdıktı azamat anyqtaldy. Ol sol mekemedegı oiyn barysynda qomaqty qarjysynan ūtylyp qalǧanyn, onyŋ ornyn toltyru maqsatynda osyndai ıske barǧany turaly moiyndau körsetpe belgılerın berdı. Ol būndai ıske baru üşın oiynşyq tapanşa satyp alǧan. Küdıktıden aiǧaq zat tärkılendı.
Atalǧan faktı boiynşa Qazaqstan Respublikasy Qylmystyq kodeksınıŋ 192-babyna (Qaraqşylyq) säikes, qylmystyq ıs qozǧaldy. Küdıktı uaqytşa ūstau izoliatoryna qamaldy. Tergeu amaldary jürgızılude.
Ūqsas jaŋalyqtar
