Jerdi zańsyz satty degen aıyppen sot aldynda jaýap berip jatqan Aqtóbe oblysynyń burynǵy ákimi Ermek Imantaev ashtyq jarııalady, dep habarlaıdy «Adyrna» tilshisi KTK arnasyna silteme jasap.
Eks-sheneýnik ózine taǵylǵan aıyppen kelispeı otyr. Áıeli Leıla Imantaevanyń aıtýynsha, burynǵy ákimniń nár tatpaǵanyna jeti kún bolǵan.
«Búgin men tergeý ızolıatorynda kúıeýime bardym, ony zembilmen qalaı alyp shyqqanyn kórdim. Jaǵdaıy óte aýyr, áreń sóıleıdi. Biraq aqyl-esi durys jáne qylmystyq isti odan ári tergeýdi talap etýde. Óz quqyǵynyń aıaqqa taptalyp jatqanyn kórip otyrǵandyqtan, bundaı baryp otyr»,—dedi ol.
Eske salaıyq, Aqtóbe oblysynyń burynǵy ákimi Ermek Imantaev 2023 jyldyń aqpanynda qamaýǵa alynǵan bolatyn. Ol qyzmettik ókilettigin teris paıdalanǵan dep aıyptalyp otyr. Eks-ákimge laýazymdyq ókilettigin asyra paıdalanyp, jer ýchaskelerin óz baǵasynan tómen satty degen aıyp taǵyldy. Saldarynan memleketke 199,4 mln teńge zalal keltirilgen.
