Kúni keshe qorǵanys mınıstrliginiń bitimgershilikke daıyndyq ortalyǵynyń jeke quramy turaqty qanmen tolyqtyrylýǵa jáne Almaty qalasyndaǵy medıınalyq mekemelerdiń paıentterine sapaly transfýzııalyq kómek kórsetýge úles qosty. Áskerı qyzmetshiler 13 lıtrge jýyq qan tapsyrdy. Bul ólsheýsiz úles, júzdegen, bálkı myńdaǵan adamnyń ómirin saqtap qalatyn izgi is.
Álemdik koronavırýstyq pandemııa jaǵdaıynda únemi qanmen qamtamasyz etý óte mańyzdy bolyp otyr. Sondyqtan da áskerıler ómiri qyl ústinde turǵan jandardyń janyn saqtap qalý maqsatynda únemi áriptestik tanytyp, donor bolýǵa qashanda daıyn. Bul týraly bitimgershilik pen tildik daıyndyqty taldaý jáne baqylaý bóliminiń bastyǵy polkovnık Rýslan Maermanov málimdedi.
«Bizge habarlaǵandaı, balalar klınıkasyndaǵy naýqas qan quıýǵa óte muqtaj kórinedi. Biz balaǵa kómekteskimiz keledi jáne tezirek saýyǵyp ketýin tileımiz. Áskerı qyzmetshiler Qazaqstan Táýelsizdiginiń 30 jyldyǵyna oraılastyrylǵan «Izgi ister marafony» ulttyq jobasyna belsendi qatysady jáne medıınalyq mekemelerdiń mundaı ótinishterine jedel jaýap beredi» dedi ol.
Jalpy bitimger tek qana donor bolyp qan tapsyrmaıdy, otan úshin jat jerde janda tapsyrady. Myńdaǵan qazaq bitimgerleri Tájikstannyń taýly qyraty men shatqalynda shaıqasyp, lańkestiktiń oty janǵan qaýipti úıimizge ótkizbeý úshin qan tókti. 1992-1997 jyldary bitimgerlik mıssııasymen Tájikstanda bolǵan Qazaqstan bitimgerleriniń 57 sarbazy solaısha kóz jumdy. Jat jerde, týǵan jerdiń aspany ashyq bolý úshin erlik kórsetti.
2003 jyldan bastap Irakta soǵys burq ete qalǵan sátte de, Qazaqstan bitimgerleri soǵys oshaǵyna attanyp, 4 mlnnan astam jarylǵysh zatty zalalsyzdandyrdy. Sol arqyly on myńdaǵan ıraktyq beıbit turǵyndardyń, balalar men áıelderdiń ómirin saqtap qaldy. Bitimgerlik mıssııany oryndaý barysynda qazaqstandyq sarbaz jarylystan qaza tapqan edi.
Artynsha Lıvan men Afrıka memleketterinde Qazaqstannyń bitimgerlik kúshteri óz mıssııalaryn oryndaýǵa attandy. Olar qaýipti aımaqtaǵy tynyshtyq rejımin saqtaýǵa baryn salyp keledi. Afrıka memleketinde lańkestik uıymdardan áreketine, jaýlasýshy taraptardyń arasyndaǵy beıbit kelisimniń saqtalýyna úles qosýda. Bul adamdyq mıssııa. Qazaqstan bitimgerlik kúshteri dál osyndaı qyzmetterdi atqarǵan, atqara bermek te. Beıbit kúnde qan tapsyryp, donor bolǵan jaýyngerler, jat jerde memlekettik, adamdyq múddeni qorǵap, qııan mıssııalardy da sátti atqarýǵa saqadaı saı saıypqyrandar.
"Adyrna" ulttyq portaly
