Atyraulyq 21 jastaǧy qyz 18 jastaǧy jıgıtten aqşa bopsalap, bermeitın bola, zorlady dep polisiiaǧa aryz jazatynyn aitqan, dep habarlaidy «Adyrna» ūlttyq portaly Polisia.kz saityna sılteme jasap.
Aqşa bopsalau jaǧdaiy bırneşe ret bolǧan. Qyz alǧaşqyda 2 million teŋge alsa, keiın 1,5 million teŋge sūraǧan. Al jıgıt bolǧan oqiǧany polisiiaǧa habarlap, kömek sūrady.
Ol osy uaqytqa deiın qyzdyŋ özın bopsalap kelgenın, zorlady dep aiyptaimyn dep qorqytqanyn aitty. Alaida jıgıttıŋ aituynşa, jynystyq qatynas ekıjaqty kelısımmen bolǧan. Olar, tıptı, bır jerde jūmys ısteptı. Jıgıttıŋ qyzdy jaqsy tanityny men ata-anasymen de tanysqanyn aityp otyr.
Atyrau oblysynyŋ ekstremizmmen küres basqarmasy küdıktını 500 myŋ teŋge alyp jatqan jerınen ūstady. Al tergeu kezınde qyzdyŋ dekstruktivtı dıni sektanyŋ müşesı bolǧany anyqtalǧan.
Küdıktıge qatysty Qylmystyq kodekstıŋ 194-baby 1-tarmaǧy boiynşa sotqa deiıngı tergeu bastaldy. 4 myŋ AEK-ke deiin aiyppūl ne tört jylǧa deiin bas bostandyǧyn şekteu, nemese sol merzimge bas bostandyǧynan aiyru jazasy bar.
"Adyrna" ūlttyq portaly
Ūqsas jaŋalyqtar
