Kezınde lauazymdy qyzmette jürgen tūsta qandaida bır taraptan gül nemese şampan syiǧa tartylsa, bız mūnyŋ özın «orynsyz jaǧynu» dep tanydyq. Kısı qolynan sonyŋ özın almadyq. Ondai qūrmetteudı qabyldamadyq. Al qazır sol güldıŋ de şampannyŋ da kök tiyndyq qūny bolmai qaldy.
Qazırgı jemqorlyqtyŋ qūlqyny öte keŋ. Qoǧamda «tüienı tügımen jūtatyndar» köbeiıp kettı. Negızınde, būl jaman qasiet qazaqqa tän emes edı.
Myna men öz basym bıraz kezeŋdı basymnan ötkerdım. Keŋestık kezeŋde bıreudıŋ bır artyq närsesın körse ol talqyǧa salynatyn, tekserıletın, jauapqa tartylatyn. Ol kezde para beru de, alu da ūrlyqqa sanalatyn.
Qazır ölım men ömırdıŋ arasynda arpalysyp jatqan adamnan para sūraityn halge jettık. Būǧan qatysty bıreuler jalaqysynyŋ azdyǧyn, otbasyn asyraudyŋ maşaqatyn aityp aqtalady. Bıraq jalaqysy qomaqty, otbasyn asyrauǧa tolyq qabılettı, qolynan ıs keletın joǧaryda otyrǧandardyŋ da osy dertke ūşyraǧany jasyryn emes. Saiyp kelgende, bärınıŋ tonaityny – qara halyq. Sol qara halyqtyŋ paraqorǧa jem bolyp jatqanyn körgende «qandai zamanǧa tap boldyq» dep baz keşetınım de ras. «Oramalyn» jasap mäselenı şeşuge daǧdylanu – asa qauıptı dert.Eger bız bolaşaqta ūlt bolyp ūiysqymyz kelse aldymen osy ındetten aryludy oilastyrǧanymyz jön. Jemqorlyqpen qoǧam bolyp küresuımız kerek. Bırden para beruge ūmtylǧanşa mäselenı basqaşa şeşudıŋ joldaryn qarastyrǧanymyz abzal. Tıptı keide zaŋdy bılmegendıkten, tıldı jetık meŋgermegendıkten op-oŋai bolmaşy närselerdı şeşuge «rahmetın» aityp syi ūsynatyndar da bar. Mūnyŋ barlyǧy künı erteŋ qazaqtyŋ damu ülgısıne kerı äser etetın jaittar. Sondyqtan örkeniettı elderdıŋ qatarynan körıngımız kelse qoǧam paraqorlardan tazaruymyz kerek.
Töregeldı ŞARMANOV,
akadmik
Ūqsas jaŋalyqtar
