Maŋǧystau oblysynda 218 tülek "Altyn belgı" iegerı atandy dep habarlaidy "Adyrna" ūlttyq portalynyŋ tılşısı.
Biyl oblysta jalpy bılım beretın mekteptı 7010 oquşy bıtırgen. Onyŋ 218-ı "Altyn belgı", al 424-ı "Üzdık attestat" iegerı atandy.Maŋǧystau oblysy bılım basqarmasynyŋ basşysy Svetlana Tölebaevanyŋ aituynşa, 2020-2021 oqu jylynda jalpy bılım beretın mektepterdı 158 756 oquşy aiaqtady. Onyŋ 156154-ı kündızgı memlekettık bılım beru mekemelerınde bılım aldy. «Engızılgen karantindık şaralarǧa säikes, oblys mektepterınde osy oqu jylynda oqytu 3 formatta jürgızıldı: qaşyqtan, ştattyq rejimde jäne kezekşı synyptar arqyly. Qaşyqtan oqytudyŋ qiyndyqtaryna qaramastan oqu prosesı toqtaǧan joq. Sabaqtar sifrlyq platformalardy qoldanu arqyly öttı. Bılım salasynda ketken olqylyqtardy joiu üşın öŋırde jazǧy mektepter jūmys jasady. Onda 30 myŋnan astam oquşy bılımın jetıldırdı. Ocy oqu jylynyŋ qorytyndysymen sapa körsetkışı 64,9 paiyzdy qūrady. Ülgerım – 100 paiyz», — deidı S.Tölebaeva. Aita keteiık, biyl Ūlttyq bıryŋǧai testıleu 15 säuır künı bastaldy. 30 mausymda aiaqtalady dep josparlanyp otyr.
Oblys äkımınıŋ joǧary jäne joǧarydan keiıngı bılım aluǧa jergılıktı biudjetten 175 grant taǧaiyndaldy. Onyŋ 165-ı bakalavrǧa, 10-y magistraturaǧa arnalǧan. Mamandyqtar tızbesıne öŋırge qajettı pedagogika, medisina, auylşaruaşylyǧy, öner salalary boiynşa mamandyqtar engızıldı.«Taǧy bır erekşelık, talapkerlerge test tapsyruǧa 2 mümkındık berılıp, joǧary nätijege qol jetkızgen balldarymen memlekettık bılım beru grantyn alady. Oblys äkımınıŋ bılım beru grantyna konkurs tamyz aiynda ötedı. Konkursqa qūjat qabyldau orny qosymşa resmi habarlanatyn bolady», - deidı basqarma basşysy.
"Adyrna" ūlttyq portaly.
Ūqsas jaŋalyqtar
