Ulttyq biryńǵaı testileýdiń qorytyndysy boıynsha bıyl elimizde mektep bitirgen árbir 16-shy túlek "Altyn belgi" ıegeri bolyp otyr dep habarlaıdy "Adyrna" ulttyq portaly "Eýrazııa" birinshi arnasyna silteme jasap.
Bıyl jalpy 156 myńnan astam oqýshy mektep bitirgen. Onyń ishinde 8500-den asa túlek úzdik attestat, 9746 túlek "Altyn belgi" alǵan.
«Bıyl 9746 túlek "Altyn belgi" ıegeri boldy. Bul ótken jylmen salystyrǵanda joǵary kórsetkish», — deıdi Bilim jáne ǵylym mınıstrligi mektepke deıingi jáne orta bilim komıteti tóraǵasynyń orynbasary Jomart Qarambaev.
Sonymen "Altyn belgi" alǵandar sany boıynsha úzdik óńirler - Túrkistan, Almaty jáne Shyǵys Qazaqstan oblystary.
"Altyn belgi" alǵandar, árıne, qýanyshty. Degenmen birqatar muǵalimder bıyl mundaı kórsetkishke jetýdiń arǵy jaǵynda naqty bilim sapasy bar degenge kelispeıdi.
«Altyn medaldiń kóp bolýy bilim sapasynyń kórsetkishi dep aıta almas edim, — deıdi tarıh pániniń muǵalimi Ómirbek Shynybekuly. — Sebebi jemqorlyq dendep barady. Barmaq basty, kóz qysty degen sekildi. Odan bólek indet taǵy bir-eki jylǵa sozylatyn bolsa, onlaın oqý bilim sapasyn birjola kúıretip tynatyn shyǵar degen qaýip bar».
"Adyrna" ulttyq portaly.
