Áýejaı qyzmetkerleri jalǵan PTR-anyqtama satqan

2823
Adyrna.kz Telegram

Almaty Áýejaıynyń eki qyzmetkeri teris PTR synaqtaryn jasaǵany úshin ustaldy, dep habarlaıdy «Adyrna» tilshisi Polisia.kz-ke silteme jasap.

Almaty qalasynyń halyqaralyq áýejaıynyń aýmaǵynda júrgizilgen jedel-izdestirý is-sharalary barysynda Ekstremızmge qarsy kúres basqarmasy, Almaty qalasy PD Krımınaldyq polıııa Basqarmasynyń qyzmetkerleri Almaty qalasy boıynsha UQKD birge, 1992 jyly týǵan J.esimdi azamatty jáne 1993 jylǵy I.esimdi azamatty ustady. Belgili bolǵandaı, qamaýǵa alynǵandar shetelge shyqqandar úshin teris PTR-synaqtaryn jasaǵan, barlyǵy shamamen 15-20 anyqtama satyldy. Olar PTR synaqtaryn uıaly telefondaǵy arnaıy qosymsha arqyly ózderi jasady. Qyzmetkerler klıenttiń jeke derekteri men anyqtamanyń berilgen kúnin túzetken, keıinnen zańsyz áreketke barǵan áýe kompanııalardyń ókilderi jolaýshylardy ushaqqa otyrǵyzýǵa jiberdi. Alynǵan qarajat ózderi men áýe kompanııalarynyń ókilderi arasynda bólindi.

– Qazirgi ýaqytta jedel-tergeý is-sharalarynyń kesheni júrgizilýde, qamaýǵa alynǵandardyń osyǵan uqsas teris PTR synaqtaryn jasaǵan faktilerge qatystylyǵy anyqtalýda. Tıisti saraptamalar taǵaıyndaldy. “Satýshylar”, QR Qylmystyq is júrgizý kodeksiniń 128 babyna sáıkes ýaqytsha ustaý ızolıatoryna qamaldy, – dedi vedomstvada.

«Adyrna» ulttyq portaly

Pikirler