اۋەجاي قىزمەتكەرلەرى جالعان پتر-انىقتاما ساتقان

2824
Adyrna.kz Telegram

الماتى اۋەجايىنىڭ ەكى قىزمەتكەرى تەرىس پتر سىناقتارىن جاساعانى ءۇشىن ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

الماتى قالاسىنىڭ حالىقارالىق اۋەجايىنىڭ اۋماعىندا جۇرگىزىلگەن جەدەل-ىزدەستىرۋ ءىس-شارالارى بارىسىندا ەكسترەميزمگە قارسى كۇرەس باسقارماسى، الماتى قالاسى پد كريمينالدىق پوليتسيا باسقارماسىنىڭ قىزمەتكەرلەرى الماتى قالاسى بويىنشا ۇقكد بىرگە، 1992 جىلى تۋعان ج.ەسىمدى ازاماتتى جانە 1993 جىلعى ي.ەسىمدى ازاماتتى ۇستادى. بەلگىلى بولعانداي، قاماۋعا الىنعاندار شەتەلگە شىققاندار ءۇشىن تەرىس پتر-سىناقتارىن جاساعان، بارلىعى شامامەن 15-20 انىقتاما ساتىلدى. ولار پتر سىناقتارىن ۇيالى تەلەفونداعى ارنايى قوسىمشا ارقىلى وزدەرى جاسادى. قىزمەتكەرلەر كليەنتتىڭ جەكە دەرەكتەرى مەن انىقتامانىڭ بەرىلگەن كۇنىن تۇزەتكەن، كەيىننەن زاڭسىز ارەكەتكە بارعان اۋە كومپانيالاردىڭ وكىلدەرى جولاۋشىلاردى ۇشاققا وتىرعىزۋعا جىبەردى. الىنعان قاراجات وزدەرى مەن اۋە كومپانيالارىنىڭ وكىلدەرى اراسىندا ءبولىندى.

– قازىرگى ۋاقىتتا جەدەل-تەرگەۋ ءىس-شارالارىنىڭ كەشەنى جۇرگىزىلۋدە، قاماۋعا الىنعانداردىڭ وسىعان ۇقساس تەرىس پتر سىناقتارىن جاساعان فاكتىلەرگە قاتىستىلىعى انىقتالۋدا. ءتيىستى ساراپتامالار تاعايىندالدى. “ساتۋشىلار”، قر قىلمىستىق ءىس جۇرگىزۋ كودەكسىنىڭ 128 بابىنا سايكەس ۋاقىتشا ۇستاۋ يزولياتورىنا قامالدى، – دەدى ۆەدومستۆادا.

«ادىرنا» ۇلتتىق پورتالى

پىكىرلەر