Qazaqstanda adam saýdasyna baılanysty qylmystyq quqyq buzýshylyq sany bir jylda birden eki esege kóbeıdi, - dep habarlaıdy “Adyrna” ulttyq portaly Ranking.kz portalyna silteme jasap.
2021 jylǵy qańtar-mamyrda elde adam saýdasyna baılanysty 63 quqyq buzýshylyq tirkelgen. Bul bir jyl burynǵy kórsetkishten eki ese kóp. Qylmystardyń kóp bóligi jezókshelikpen aınalysýǵa jáne jeńgetaılyqqa arnalǵan prıtondar uıymdastyrýǵa nemese ustaýǵa qatysty bolady: 35 jaǵdaı, birden 75 paıyzǵa kóp.
Taǵy segiz jaǵdaı kámeletke tolmaǵandardy satýmen baılanysty, jeti is kámeletke tolmaǵandardy jezókshelikke tartýǵa baılanysty, alty is adam satý jáne jezókshelikke tartýǵa qatysty, al bir jaǵdaı paıdalaný maqsatynda zańsyz bas bostandyǵynan aıyrý jaǵdaıyna keledi.
Jalpy 2020 jylǵy qańtar-jeltoqsada adam saýdasyna baılanysty 120 quqyq buzýshylyq tirkelgen. Bul bir jyl burynǵyǵa qaraǵanda 34,1 paıyzǵa az.
Bıylǵy bes aıda kámeletke tolmaǵandardy satqany úshin 25 adam, jezókshelikpen aınalysýǵa arnalǵan prıtondar uıymdastyrǵany nemese ustaǵany jáne jeńgetaılyq úshin - alty adam, adam saýdasy úshin - tórt adam qylmystyq jaýapkershilikke tartylǵan.
Kópshiligi Qazaqstan azamattary, sondaı-aq "Kámeletke tolmaǵandar saýdasy" baby boıynsha TMD elderiniń eki azamaty qylmystyq jaýapkershilikke tartyldy. Adam saýdasyna baılanysty qylmystarǵa kinálilerdiń barlyǵy derlik orta nemese orta arnaýly bilimi bar jumyssyzdar. Jyl basynan beri mundaı quqyq buzýshylyqtardan 25 adam, onyń ishinde 23 áıel, toǵyz kámeletke tolmaǵan adam zardap shekken.
"Paıdalaný maqsatynda bas bostandyǵynan zańsyz aıyrý" babyn eseptemegende (QK-nyń 126-baby 3-bóligi 2-tarmaǵy).
BUU-nyń Esirtki jáne qylmys jónindegi basqarmasynyń derekteri boıynsha, Ortalyq Azııa men Shyǵys Eýropa elderinde adam saýdasy qurbandarynyń basym bóligi májbúrli eńbek (66 paıyz) jáne seksýaldyq nıette (23 paıyz) paıdalaný úshin bas bostandyǵynan aıyrý negizinde júredi.
Ortalyq Azııa elderindegi qurbandardyń kópshiligi - eresek áıelder (55 paıyz). Alaıda er adamdar - 32 paıyz, onyń ishinde uldar - segiz, qyzdar - bes paıyzdy quraıdy.
Qazaqstan adam saýdasy týraly jahandyq baıandamada "baqylaý tiziminen" elderdiń ekinshi sanatyna (Tier 2) ótti. Bul adam quqyqtaryn qamtamasyz etýdiń osy salasyndaǵy jaǵdaıdyń jaqsarǵanyn kórsetedi, dep habarlady SIM.
