Qala ákiminiń shalǵaı eldimekenderdegi ınfraqurylym máselelerin júıeleý jónindegi tapsyrmasyna sáıkes, Qarataý aýdanynyń ákimi Abzal Áliqulov aýdan aýmaǵyndaǵy «Asar-2» shaǵynaýdany turǵyndarymen kezdesti. Kezdesýde turǵyndardyń shaǵynaýdandaǵy aýyz sý, tabıǵı gaz, káriz júıesi, sapaly elektr jaryǵymen qamtý jáne shaǵal tas tóseý boıynsha máselelerine tolyqqandy jaýap berildi.
Aýdan ákimi «Asar-2» shaǵynaýdanynyń ınfraqurylym máselesin júıeleý maqsatynda atqarylyp jatqan jáne aldaǵy ýaqytta josparlanǵan jobalar men jumystarǵa keńinen toqtalyp ótti. Shaǵynaýdandy aýyz sýmen qamtamasyz etý boıynsha 156,1 shaqyrym ishki oramdyq júıeleriniń qurylys jumystary 2020 jyldyń mamyrynda bastaldy. Jergilikti bıýdjetten qarjy bólinip, qurylys jumystary merdiger mekeme «Saryaǵash-Aman» JShS tarapynan júrgizilýde. Qamtylatyn jalpy abonent sany – 2 765.
«Remstroı Almaty» JShS shaǵynaýdandy elektr jaryǵymen qamtý boıynsha jumystar atqarýda. Qamtylatyn jalpy abonent sany – 2 723. Al tabıǵı gazben qamtamasyz etý boıynsha 50,4 shaqyrym ishki oramdyq júıleriniń qurylys jumystary 2020 jyly bastaldy. Qurylysqa jaýapty merdiger mekeme – «Otaý Stroı» JShS.
Sondaı-aq, «Asar-2» shaǵynaýdanyn káriz júıelerimen qamtý boıynsha «Monolıt – Dızaın - 2030» JShS tarapynan qurylys jumystary júrgizilýde. Qurylysty keler jyly aıaqtaý josparlanýda.
Shaǵynaýdanda 48,6 shaqyrym 38 kóshe bar. Onyń ishinde 4,9 shaqyrym joldy asfalttaý boıynsha «Sever-Iýg» JShS qurylys jumystaryn atqarý ústinde.
Shymkent qalasy ákimdiginiń baspasóz qyzmeti
