Qazaqstanda bılım granttaryn taǧaiyndau konkursyna qatysu üşın qūjattardy qabyldau 16 şıldede bastalady, dep habarlaidy "Adyrna" ūlttyq portaly.
Qazaqstan Respublikasy Bılım jäne ǧylym ministrlıgınıŋ habarlauynşa, qabyldau elektrondy türde jüzege asyrylady.
Universitetterde talapkerlerge beine bailanys arqyly keŋes beretın virtualdy qabyldau bölımderı de bolady. Ümıtkerler konkursqa 6 mamyr men 1 şılde aralyǧynda ötken ŪBT-nyŋ ekı nätijesınıŋ bıreuımen qatysa alady, dep habarlady baspasöz qyzmetı.
Ötınış bergen kezde ötınış beruşıler sertifikattyŋ elektrondyq köşırmelerın, sertifikatqa qosymşalardy jäne elektrondy qūjat türındegı 3 × 4 sandyq fotosurettı, sondai-aq basqa rastaityn qūjattardyŋ köşırmelerın qosa tırkeuı kerek.
Eger ötınış beruşı «Altyn belgı» iegerı bolsa nemese körsetılgen patriotizm men belsendı azamattyq pozisiiasy üşın airyqşa belgısımen marapattalǧan bolsa, onda ol ūpai teŋdıgı jaǧdaiynda basym qūqyqqa ie bolady. Olimpiada men sporttyq jarystardyŋ jeŋımpazdary da osyndai artyqşylyqqa ie. Osyndai jetıstıkterdı eskeru üşın qūjattardy tapsyru kezınde rastaityn qūjattardyŋ köşırmelerın qosa beru qajet.
Eger şet tılın bıletındıgın rastaityn halyqaralyq sertifikat bolsa, ötınış beruşı halyqaralyq tıl sertifikatynyŋ atyn, balyn körsetıp, elektrondy sertifikatyn qosa beredı.
Aita ketu kerek, biyl bılım granttaryn bölu kezınde Qazaqstan Respublikasy Bılım jäne ǧylym ministrlıgı alǧaş ret halyqtyŋ äleumettık osal toptaryna kvota böldı.
ŪBT-dan kemınde 65 ball jinaǧan talapkerler ūlttyq universitetterge grantqa tüse alady.
«Pedagogika ǧylymdary» - 75 balldan kem emes, «Densaulyq saqtau» - 70 balldan, «Auyl şaruaşylyǧy jäne biologiialyq resurstar», «Veterinariia» - 60 balldan, basqa joǧary oqu oryndaryna - 50 balldan kem emes. Būl rette ŪBT jäne (nemese) şyǧarmaşylyq emtihannyŋ är pänı üşın kemınde bes ball jinau qajet.
"Adyrna" ūlttyq portaly
Ūqsas jaŋalyqtar
